జాతీయ వార్తలు
ఏకకాలంలో కక్ష్యలోకి 31 ఉపగ్రహాలు
S ,7 à 8 RSCA (si SASPAS) et 6 cialis pharmacie cialis rapports de stage.
బెంగళూరు, డిసెంబర్ 29: అంతరిక్ష పరిశోధనల్లో ఎప్పటికప్పుడు కొత్త పుంతలు తొక్కుతున్న ఇస్రో మరో అద్భుత ప్రయోగానికి సన్నద్ధమవుతోంది. పోలార్ రాకెట్ ద్వారా వచ్చే నెల 10న కార్టోశాట్ సిరీస్‌తోపాటు 31 ఉపగ్రహాలను ఏకకాలంలో ప్రయోగించేందుకు సన్నద్ధమవుతోంది. ఈ ఏడాది ఆగస్టులో ఐఆర్‌ఎన్‌ఎస్‌ఎస్-1హెచ్ విఫలమైన నేపథ్యంలోఈ తాజా ప్రయోగాన్ని అత్యంత ప్రతిష్టాత్మకంగా చేపడుతున్నామని, తాత్కాలికంగా జనవరి 10న ఈ ప్రయోగాన్ని చేపట్టాలని నిర్ణయించినట్టు ఇస్రో సీనియర్ అధికారి ఒకరు తెలిపారు. అయితే, వీటిలో ప్రధానంగా కార్టోశాట్ -2 సిరీస్ ఉపగ్రహమే ఎక్కువ బరువుంటుందని వెల్లడించారు. ఇందుకు సంబంధించి తుది నిర్ణయం తీసుకునేందుకు మిషన్ రెడీనెస్ రివ్యూ కమిటీ రానున్న 2, 3 రోజుల్లోసుమావేశం అవుతుందని తెలిపారు. ఈ ప్రయోగం కోసం పిఎస్‌ఎల్‌వి-సి40 రాకెట్ ఉపయోగిస్తామని, ఇందులో ఇతర దేశాలకు చెందిన 28 నానో ఉపగ్రహాలు ఉంటాయని తెలిపారు. ఫిన్‌లాండ్, అమెరికా కూడా తమ నానో ఉపగ్రహాల ద్వారా ఈ ప్రయోగంలో భాగం పంచుకుంటున్నాయని అన్నారు. ఈ ఏడాది ఆగస్టు 31న చేపట్టిన పిఎస్‌ఎల్‌వి ప్రయోగం సాంకేతిక కారణాల దృష్ట్యా విఫలమైన విషయం తెలిసిందే. రాకెట్‌నుంచి ఉపగ్రహాలు విడిపోయే సమయంలో హీట్‌షీల్డ్ పనిచేయకపోవడంవల్లే ఈ ప్రమాదం జరిగిందని, రాకెట్ నాలుగో దశలోనే ఇది చోటుచేసుకుందని ఇస్రో నిర్థారించింది. కార్టోశాట్ సిరీస్‌లో ఇస్రో చేయబోతున్న ఈ ప్రయోగం 3వది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.