జాతీయ వార్తలు
మోదీ నిర్ణయాలు సాహసోపేతం
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, డిసెంబర్ 29: పెద్దనోట్ల రద్దు, చారిత్రక రీతిలో జిఎస్‌టి అమలు అన్నవి పటుతరమైన నరేంద్రమోదీ నాయకత్వం వల్లే సాధ్యమయ్యాయని గోవా ముఖ్యమంత్రి మనోహర్ పారికర్ అన్నరు. దేశ ప్రధానిగా నరేంద్ర మోదీ సాహసోపేతమైన నిర్ణయాలు తీసుకుంటున్నారని అందులో భాగంగానే 500, 1000 రూపాయల నోట్లను రద్దుచేశారని, అలాగే ఏమాత్రం వెనక్కి తగ్గకుండా వస్తుసేవల పన్నును కూడా అమలులోకి తీసుకొచ్చిన ఘనత మోదీనేనని అన్నారు. ఈ సాహసోపేత నిర్ణయాల ఫలితంగా భారత ఆర్థిక వ్యవస్థ రానున్న కొద్ది నెలల్లోనే మరింత శక్తిని సంతరించుకుంటుందని తెలిపారు. ఈ సాహసోపేత నిర్ణయాల అమలు తొలి దశలో కొన్ని ఇబ్బందులు ఎదురైనప్పటికీ వాటిని క్రమానుగతంగా అధిగమించగలిగామని ముంబయి ఐఐటిలో శుక్రవారం జరిగిన ఓ కార్యక్రమంలో మాట్లాడిన పారికర్ అన్నారు. దేశ రాజకీయాలను గుణాత్మక రీతిలో ప్రధాని మోదీ ముందుకు తీసుకువెళుతున్నారని పేర్కొన్న ఆయన, వ్యక్తిత్వం, తెలివితేటలు, దూరదృష్టి కలిగిన నాయకుల అవసరం నేటి సవాళ్లమయ వాతావరణంలో ఎంతైనా ఉందని స్పష్టం చేశారు. కుల రాజకీయాలకు పాల్పడ్డవారు కటకటాల్లో ఉన్నారని పేర్కొన్న ఆయన ఓ బలమైన దృక్పథం, విశాల దృష్టి కలిగిన నేతలే నేడు పాలకులుగా రాణిస్తున్నారని తెలిపారు. అంతర్జాతీయంగా భారత కీర్తిప్రతిష్ఠలు ఈ మూడేళ్లకాలంలో ఎంతగానో ఇనుమడించాయని, ప్రభుత్వంపై ప్రజల ఆశలు, ఆకాంక్షలు కూడా ఎంతగానో పెరిగాయన్నారు. ఈ సందర్భంగా ఐఐటిల ప్రాధాన్యత గురించి మాట్లాడిన పారికర్ దీనివల్ల అవకాశాలు ఇనుమడిస్తాయని, ఈ అర్హతలు కలిగిన నాయకులు ఏ స్థాయి పాలనా వ్యవస్థలోనైనా అద్భుతంగా రాణించగలుగుతారని తెలిపారు. తాను ఐఐటి ఇంజనీర్‌గా పట్టా పుచ్చుకోవడం వల్ల పాలనాపరంగా ఎంతగానో మెరుగైన ఫలితాలను సాధించగలిగానని, అన్నివిధాలుగానూ ఐఐటి పట్టా అన్నది నాయకత్వ లక్షణాలతో రాణించడానికి అన్ని విషయాలనూ విశే్లషించడానికి లోపాలను కనిపెట్టి ముందుగానే నివారించడానికి దోహదం చేస్తుందన్నారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.