జాతీయ వార్తలు
మరింత క్షీణించిన కరుణానిధి ఆరోగ్యం
S ,7 à 8 RSCA (si SASPAS) et 6 cialis pharmacie cialis rapports de stage.
చెన్నై, ఆగస్టు 6: అనారోగ్యం కారణంగా కొద్దిరోజుల కిందట ఇక్కడి కావేరీ ఆసుపత్రిలో చికిత్స పొందుతున్న డీఎంకే అధినేత, తమిళనాడు మాజీ ముఖ్యమంత్రి ఎం. కరుణానిధి అరోగ్యం సోమవారం బాగా క్షీణించింది. వయోభారం రీత్యా ఆయన ఆరోగ్య పరిస్థితిని నిలకడగా ఉంచడం తమకు సవాల్‌గా మారిందని ఆసుపత్రి వర్గాలు తెలిపాయి. 94 ఏళ్ల కరుణానిధి ఆరోగ్య పరిస్థితిపై ఆసుపత్రి వర్గాలు తాజా బులెటిన్‌ను విడుదల చేశాయి. మరో 24 గంటలు గడిస్తేగానీ ఆయన శరీరం ఎంతవరకు చికిత్సకు సహకరిస్తుందన్న విషయం చెప్పలేమని ఆసుపత్రి ఎగ్జిక్యూటివ్ డైరెక్టర్ డాక్టర్ అరవిందన్ సెల్వరాజ్ తెలిపారు. గతనెల 28న తీవ్ర అనారోగ్యంతో కావేరీ ఆసుపత్రిలో చేరిన కరుణానిధి ఆరోగ్యం క్రమంగా మెరుగుపడుతోందని కొద్దిరోజుల కిందట వైద్యులు చెప్పారు. ప్రత్యేక నిపుణుల బృందం కరుణానిధి ఆరోగ్య పరిస్థితులను పర్యవేక్షిస్తోంది. కరుణానిధి ఆరోగ్య పరిస్థితి మరింత దిగజారుతోందని వైద్యులు ధ్రువీకరించడంతో డీఎంకే అభిమానులు భారీ సంఖ్యలో ఆసుపత్రికి చేరుకున్నారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.