జాతీయ వార్తలు
ఉన్నతస్థాయి విశే్లషణ
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ: కేంద్ర మాజీ మంత్రి ఎస్ జైపాల్ రెడ్డి రాసిన పుస్తకం అద్భుతంగా ఉన్నదని మాజీ ప్రధాన మంత్రి డాక్టర్ మన్మోహన్ సింగ్ ప్రశంసించారు. మంగళవారం ఢిల్లీలో జైపాల్ రెడ్డి రాసిన ‘టెన్ ఐడియాలజీస్’ పుస్తకాన్ని మన్మోహన్ సింగ్ ఆవిష్కరించారు. అనంతరం ఆయన ప్రసంగిస్తూ ప్రపంచాన్ని ప్రభావితం చేస్తున్న పది సిద్ధాంతాలను క్రోడీకరిస్తూ జైపాల్ రెడ్డి చేసిన విశే్లషణ అత్యున్నత స్థాయిలో ఉన్నదని అన్నారు. అభిప్రాయాల చరిత్రను విశే్లషించటంలో జైపాల్ రెడ్డి విజయం సాధించారని కొనియాడారు. పది భావజాలాలపై జైపాల్ వ్యక్తం చేసిన అభిప్రాయాలు, విశే్లషణ చదివితే మన ఆలోచనా విధానం ఎంతో పరిణతి చెందుతుందన్నారు. కొత్త యుగానికి చైనా, భారత్, ఆసియా దేశాలు పునాదులు వేశాయన్నది జైపాల్ రెడ్డి హేతుబద్ధంగా వివరించారన్నారు. తుపాకి గుండు మందు, ముద్రణా సదుపాయాలు పారిశ్రామిక విప్లవానికి నాంది పలికాయన్నారు. ప్రపంచం ప్రస్తుతం ఎదుర్కొంటున్న సంక్షోభాన్ని అర్థం చేసుకోవటంతోపాటు పరిష్కార మార్గాలు కనుగొనేందుకు జైపాల్ రెడ్డి తన పుస్తకంలో కొత్త పద్ధతులు, మార్గాలను సూచించారని మన్మోహన్ చెప్పారు. ఉత్తరాదిలో తలెత్తుతున్న స్థానికత, స్వదేశీ వస్తు రక్షణ విధానం మూలంగా ప్రపంచం సమస్యల సుడిగుండంలో పడిపోతోందని హెచ్చరించారు. జైపాల్ రెడ్డి పుస్తకావిష్కరణ కార్యక్రమానికి మాజీ ప్రధాన మంత్రి హెచ్‌డీ దేవేగౌడ, మాజీ మంత్రులు చిదంబరం, దినేష్ త్రివేది, జైరాం రమేష్, మాజీ ఉపరాష్టప్రతి హమీద్ అన్సారీ, సీపీఐ ప్రధాన కార్యదర్శి సురవరం సుధాకర్ రెడ్డి, సీపీఎం ప్రధాన కార్యదర్శి సీతారాం ఏచూరి, జేడీ(యూ) మాజీ నాయకుడు శరద్ యాదవ్, టీపీసీసీ అధ్యక్షుడు ఉత్తమ్ కుమార్ రెడ్డి హాజరయ్యారు. తెలుగు రాష్ట్రాలకు చెందిన పలువురు పార్లమెంటు సభ్యులతోపాటు నల్గొండ జిల్లాకు చెందిన సీనియర్ నాయకులు కూడా ఈ కార్యక్రమంలో పాల్గొన్నారు.
చిత్రం..‘టెన్ ఐడియాలజీస్’ పుస్తకావిష్కరణ చేస్తున్న మాజీ ప్రధాని మన్మోహన్‌సింగ్
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.