జాతీయ వార్తలు
రైతులను అవమానిస్తున్నారు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, నవంబర్ 21: నోట్ల రద్దు నిర్ణయంతో రైతుల జీవితాలను నాశనం చేసిన ప్రధాని నరేంద్రమోదీ ఇప్పుడు ఎన్నికల సభలలో వారి కష్టాలను అపహాస్యం చేస్తూ అవమాన పరుస్తున్నారని కాంగ్రెస్ అధ్యక్షుడు రాహుల్‌గాంధీ విమర్శించారు. ఈ మేరకు ఆయన ట్వీట్ చేస్తూ ఒక పక్క నోట్ల రద్దు నిర్ణయంతో రైతులు అనేక ఇబ్బందులు ఎదుర్కొన్నారని వ్యవసాయ మంత్రిత్వ శాఖ అంగీకరిస్తుండగా, మోదీ మాత్రం ఎన్నికల సభల్లో వారి కష్టాలపై జోక్‌లు వేస్తున్నట్టుగా ప్రవర్తిస్తున్నారని రాహుల్ పేర్కొన్నారు. నోట్ల రద్దు సమయంలో రైతలు ఎరువులు, విత్తనాలు వంటివి కొనుగోలు చేయడానికి చేతిలో నగదు లేక అనేక ఇబ్బందులు ఎదుర్కొన్నారని ఆయన చెప్పారు. అయితే ఇటీవల చత్తీస్‌గఢ్, మధ్యప్రదేశ్‌లో జరిగిన ఎన్నికల సభల్లో మోదీ మాట్లాడుతూ నోట్ల రద్దుకు ముందు ప్రజలు, రైతులు తమ నల్లధనాన్ని తమ పరుపుల కింద, గోధుమ బస్తాల కింద దాచి పెట్టారని, కాని నోట్ల రద్దు తర్వాత ఆ నల్లధనం అంతా బయటకు వచ్చిందని అన్నారని ఇది ప్రజలు, రైతులను అవమానించడమేనని రాహుల్ విమర్శించారు. బ్యాంకులకు వేల కోట్ల రూపాయలకు టోపీ పెట్టి విదేశాలకు పారిపోయిన విజయ్‌మాల్యా, నీరవ్‌మోదీ, మెహల్ ఛోక్సీ లాంటి బడాపారిశ్రామికవేత్తలు ఎన్నడూ గోధుమల మొహం ఎరిగి ఉండరని, వారు గోధుమ బస్తాలతో ఉండటం మీరు ఎప్పుడైనా చూశారా మోదీ? అని రాహుల్ ప్రశ్నించారు. ఇలాంటి అర్థం లేని వ్యాఖ్యలతో రైతులను అవమానించవద్దని పేర్కొంటూ, మోదీ ప్రసంగాలకు సంబంధించిన వీడియోలను ఆయన ట్యాగ్ చేశారు. నోట్ల రద్దు పేరుతో పేద రైతుల నుంచి వసూలు చేసిన డబ్బును మోదీ తన సూటు-బూటు మిత్రులకు అందజేశారని ఆరోపించారు. రైతుల వద్ద ఉన్న డబ్బు నల్లధనం అని తన ప్రసంగాల్లో పేర్కొన్న ఆయన రైతులను తీవ్రంగా అవమానించారని, ఇది ఎంతమాత్రం సహించరానిదని రాహుల్‌గాంధీ హెచ్చరించారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.