జాతీయ వార్తలు
గో సంరక్షణ అవసరం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, డిసెంబర్ 12: దేశంలో మార్పు తీసుకురావడానికి గోసంరక్షణ చాలా అవసరమని కేంద్రమంత్రి రామదాస్ అతవాలె పేర్కొన్నారు. ఇక్కడ ఏర్పాటు చేసిన ముస్లిం గావ్ రక్ష సంఘ్‌ను బుధవారం ప్రారంభించిన ఆయన నిజంగా ఇది విప్లవాత్మకమైన నిర్ణయమని వ్యాఖ్యానించారు. ముస్లింలు గోరక్షణ సంస్థను ఏర్పాటు చేయడం అనూహ్యమని, గోవధ వద్దంటూ వారు ప్రచారం చేయడానికి ముందుకు రావడం నిజంగా అభినందనీయమని మంత్రి పేర్కొన్నారు. ఈ చర్య హిందూ, ముస్లింలను మరింత దగ్గర చేస్తుందని, భారత్‌లో మార్పు తేవాలని అనుకుంటే గోసంరక్షణ విధానాన్ని అమలుపర్చాలని ఆయన సూచించారు. గోవుల వధపై చట్టప్రకారం నిషేధం ఉన్నందున దానిపై అవగాహన పెంచాల్సిన అవసరం ఉందని అన్నారు. బీజేపీ అధికారంలో లేనప్పుడు దేశంలో గోవధ పేరుతో హింసాత్మక సంఘటనలు చోటుచేసుకునేవని, అయితే తాము అధికారం చేపట్టిన తర్వాత వాటికి స్థానం లేకుండా చేశామన్నారు. ఎక్కడైనా గోవధ లాంటి సంఘటనలు జరిగినప్పుడు చట్టాన్ని తమ చేతుల్లోకి తీసుకోకుండా పోలీసులను ఆశ్రయించాలని ఆయన సూచించారు. ముస్లిం గావ్ రక్ష సంఘ్ వ్యవస్థాపక అధ్యక్షుడు ఇర్ఫాన్ షేక్ మాట్లాడుతూ గోవులను రక్షించాలని తమపిల్లలకు తెలియజెప్పాలనే లక్ష్యంతోనే ఈ సంస్థను ప్రారంభించినట్టు చెప్పారు. అలాగే గోసంరక్షణకు పాటుపడిన వారికి తమ సంస్థ ద్వారా గావ్ రత్న అవార్డులను ప్రదానం చేయనున్నట్టు ఆయన తెలిపారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.