జాతీయ వార్తలు
మిజోరం సీఎంగా జోరం ప్రమాణం
S ,7 à 8 RSCA (si SASPAS) et 6 cialis pharmacie cialis rapports de stage.
ఐజ్వాల్, డిసెంబర్ 15: మిజోరం కొత్త ముఖ్యమంత్రిగా మిజో నేషనల్ ఫ్రంట్ చైర్మన్ జోరంతాంగతో పాటు 12 మంది మంత్రులు శనివారం ప్రమాణ స్వీకారం చేశారు. గవర్నర్ కే రాజశేఖరన్ వీరి చేత ప్రమాణ స్వీకారం చేయించారు. రాజ్‌భవన్‌లో నిరాడంబరంగా జరిగిన ఈ కార్యక్రమానికి పలు పార్టీకి చెందిన నేతలు, ఉన్నతాధికారులు హాజరయ్యారు. తాజా ఎన్నికల్లో ఎంఎన్‌ఎఫ్‌కు 40 సీట్లలో 26 సీట్లలో నెగ్గింది. ఇక్కడ కాంగ్రెస్ పార్టీ చిత్తుగా ఓటమిచెందింది. జోరంతాంగ గతంలో 1998, 2008లో ముఖ్యమంత్రిగా బాధ్యతలు స్వీకరించారు. 11 మంది మంత్రుల్లో ఐదుగురికి క్యాబినెట్ హోదా, ఆరుగురికి సహాయ మంత్రి హోదాను కేటాయించారు. హోంమంత్రిగా బాధ్యతలు స్వీకరించిన టీజే లాల్‌నుంత్‌లుంగ కాంగ్రెస్ ప్రభుత్వంలో హోంమంత్రిగా పనిచేసి ఎన్నికలకు ముందు ఆ పార్టీకి గుడ్ బై చెప్పి ఎంఎన్‌ఎఫ్‌లో చేరారు. కాగా కేంద్రంలో బీజేపీ ఎన్‌డీఏ సర్కార్‌కు తమ మద్దతు కొనసాగుతుందని జోరంతాంగ చెప్పారు. రాష్ట్రంలో ఆల్కోహాలిజం, మాదకద్రవ్యాలసేవనాన్ని పూర్తిగా నిర్మూలిస్తామన్నారు. మేఘాలయ ముఖ్యమంత్రి కోంరాడ్ సంగ్మా, అస్సాం మంత్రి కేషాబ్ మహంత, అస్సాం మాజీ ముఖ్యమంత్రి ప్రఫుల్ల కుమార్ మహంత ఈ కార్యక్రమంలో పాల్గొన్నారు. తొలిసారిగా ప్రమాణ స్వీకారం కార్యక్రమంలో బైబిల్‌ను చదివారు. క్రైస్తవ భక్తి గేయాలను ఆలపించారు. మిజో చరిత్రలో తొలిసారిగా మంత్రులు మిజో భాషలో ప్రమాణ స్వీకారం చేశారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.