జాతీయ వార్తలు
మిలియన్ సమస్యలకు బిలియన్ పరిష్కారాలు
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి: ఏ సమస్యనైనా సరైన ఆలోచన, దృక్పథంతో పరిష్కరించవచ్చునని ప్రధాని నరేంద్రమోదీ ఉద్ఘాటించారు. దేశంలో లక్ష సమస్యలుంటే వాటిని అధిగమించేందుకు కోటి పరిష్కారాలుంటాయని శనివారం నాడు ఇక్కడ భారతీయ సినిమా జాతీయ మ్యూజియంను ప్రారంభించిన సందర్భంగా అన్నారు. ఇట సమాజం.. అటు సినిమాలు పరస్పరం ప్రతిబింబించేవేనని పేర్కొన్న ఆయన ‘‘సినిమా మాదిరిగానే కాలానుగుణంగా దేశంలోనూ సామాజిక, ఆర్థిక, సాంస్కృతిక పరమైన మార్పులు వస్తున్నాయని అన్నారు. మార్పుల ఫలితంగా తలెత్తే సమస్యలన్నింటికీ ఎప్పటికప్పుడు పరిష్కారాలు కనుగొంటూ భారతదేశం ముందుకు దూసుకు పోతుందని అన్నారు. ‘‘ఓ మిలియన్ సమస్యలుంటే వాటికి ఓ బిలియన్ పరిష్కారాలుంటాయి’’ అని ఈ సందర్భంగా మోదీ ఉద్ఘాటించారు. దేశ సామాజిక జీవనంలో సినిమా అత్యంత కీలకమైన భూమికను పోషిస్తోందనీ, గుణాత్మక రీతిలో సామాజిక పరిస్థితులను ప్రతిబింబిస్తుందని అన్నారు. భారతీయ సినిమాలకు ఇతర దేశాల్లో ఎంత ప్రాచుర్యం ఉందో తాను విదేశీ పర్యటనల్లో స్వయంగా తెలుసుకున్నాను అని తెలిపారు. విదేశీ నేతలను తాను కలిసినప్పుడు, వారితో మాట్లాడినప్పుడు భారతీయ సినిమా ప్రస్తావన రావడం తనకెంతో ఆనందాన్ని కలిగించేదని ఈ సందర్భంగా తెలిపారు. పైరసీ సహా సినిమా పరిశ్రమ ఎదుర్కొంటున్న సమస్యలను పరిష్కరించేందుకు తగిన చర్యలు తీసుకుంటామని హామీ ఇచ్చారు. సినిమా షూటింగ్‌లు, సంబంధిత ఇతర అంశాలకు సంబంధించి అనుమతుల విషయంలో సింగిల్ విండో విధానాన్ని అమలులోకి తెస్తామని తెలిపారు. దావోస్‌లో జరిగే ప్రపంచ ఆర్థిక ఫోరం శిఖరాగ్ర సదస్సు మాదిరిగానే భారత్‌లో కూడా గ్లోబల్ ఫిలిం సమ్మెట్‌ను నిర్వహిస్తామన్నారు. దేశంలో పర్యాటక రంగ అభివృద్ధిలో సినిమాలు అత్యంత కీలకమని పేర్కొన్న మోదీ దేశంలో టూరిజం అంతగా అభివృద్ధి చెందితే అంతగానూ ప్రతి ఒక్కరికీ ఉపాధి లభిస్తుందని తెలిపారు.
చిత్రాలు.. నేషనల్ మ్యూజియంలోని పిల్లల విభాగాన్ని సందర్శిస్తున్న ప్రధాని మోదీ..
*మహాత్మాగాంధీ విగ్రహం పక్కన కూర్చున్న దృశ్యం.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.