జాతీయ వార్తలు
పాక్ జాతీయ దినోత్సవాన్ని బహిష్కరించిన భారత్
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, మార్చి 22: పాకిస్తాన్ రాయబార కార్యాలయంలో ప్రతి ఏటా జరిగే పాక్ జాతీయ దినోత్సవ కార్యక్రమాన్ని భారత్ బహిష్కరించింది. ఈ కార్యక్రమానికి కాశ్మీర్‌కు చెందిన వేర్పాటు వాదులను కూడా ఆహ్వానించారు. ఈ కార్యక్రమాన్ని బహిష్కరిస్తున్నట్లు భారత విదేశాంగ మంత్రిత్వశాఖ తెలిపింది. ఈ సారి ఈ కార్యక్రమానికి భారత్ ప్రభుత్వం తరఫున ప్రతినిధిని పంపడం లేదని కేంద్రం తెలిపింది. గతంలో కేంద్ర మంత్రి హోదాలో ఒక నేత హాజరయ్యేవారు. హురియత్ కాన్ఫరెన్సుకు చెందిన బృందాన్ని కూడా ఆహ్వానించాలని పాక్ రాయబార కార్యాలయం నిర్ణయించింది. ప్రతి ఏడాది మార్చి 23వ తేదీన లాహోర్ తీర్మానానికి గుర్తుగా పాకిస్తాన్ జాతీయ దినోత్సవం నిర్వహిస్తుంది. హురియత్ కాన్ఫరెన్సు లేదా వేర్పాటు వాదులను ఈ కార్యక్రమానికి ఆహ్వానిస్తే సీరియస్‌గా తీసుకుంటామని భారత్ విదేశాంగశాఖ ప్రతినిధి రవీష్ కుమార్ చెప్పారు. పాకిస్తాన్‌లో కూడా భారత్ హైకమిషనర్ ఈ కార్యక్రమానికి హాజరు కావడంలేదని చెప్పారు. గత ఏడాది ఇక్కడ ఈ కార్యక్రమానికి కేంధ్రమంత్రి గజేంద్ర సింగ్ షెకావత్ హాజరయ్యారు. ఈ ఏడాది ఫిబ్రవరి 14వ తేదీన పుల్వామా వద్ద ఉగ్రవాద దాడిలో 40 మంది సీఆర్‌పీఎఫ్ జవాన్లు అమరులైన సంగతి విదితమే. ఆ తర్వాత పాకిస్తాన్‌లోని బాలాకోట్ వద్ద ఉగ్రవాద శిబిరాలపై భారత్ వైమానిక దాడులు చేసి ధ్వంసం చేసింది. దీంతో ఇరు దేశాల మధ్య ఉద్రిక్తతలు పెరిగాయి.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.