జాతీయ వార్తలు
సుప్రీంకోర్టుకెక్కిన మరో సీబీఐ అధికారి
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ: సీబీఐలో కుమ్ములాటలు మరోసారి బహిర్గతమయ్యాయి. తనను తన మాతృ సంస్థ ఇంటెలిజెన్స్ బ్యూరోకు బదిలీ చేయడాన్ని సవాలు చేస్తూ ఒక సీబీఐ అధికారి సుప్రీంకోర్టులో పిటిషన్ దాఖలు చేశారు. తనకు అన్యాయం చేశారని, దురుద్దేశ్యంతో బదిలీ చేశారని ఆయన ఆరోపించారు. డిప్యూటీ ఎస్పీ హోదాలో పనిచేస్తున్న ఆ అధికారి పేరు అశ్విని కుమార్ గుప్తా. తాను సీబీఐ స్పెషల్ డైరెక్టర్ రాకేష్ అస్థానాపై వివిధ అవినీతి ఆరోపణలను దర్యాప్తు చేస్తున్నానని చెప్పారు. తాను ఇంటెలిజెన్స్‌బ్యూరోలో 1999లో చేరినట్లు చెప్పారు. సీబీఐకు 2014లో డిప్యూటేషన్‌పై వచ్చానన్నారు. మూడేళ్ల పాటు 2017 వరకు సీబీఐలో పనిచేశానన్నారు. అనంతరం ఒక ఏడాది పాటు డిప్యూటేషన్‌ను పొడిగించారన్నారు. దీనికి తన మాతృ సంస్థ ఐటీ నిరభ్యంతర పత్రం ఇచ్చిందన్నారు. ఆ తర్వాత సీబీఐ తనకు మరో ఏడాది సర్వీసును పొడిగిస్తూ నిరభ్యంతర పత్రం కావాలని ఐబీని కోరినట్లు చెప్పారు. 2018లో ఐబీ ఈమేరకు నిరభ్యంతర పత్రం ఇచ్చిందన్నారు. కాగా ఈ ఏడాది అక్టోబర్ 24వ తేదీన తనను ఐబీకీ బదిలీ చేస్తూ ఆదేశాలు జారీ చేశారన్నారు. జూన్‌లోనే ఒక ఏడాది పాటు తనకు డిప్యూటేషన్‌పై సీబీఐలో పనిచేసేందుకు ఐబీ అనుమతి ఇవ్వగా ఆకస్మికంగా బదిలీ చేయడం తగదన్నారు. రాకేష్ అస్తానాపై వచ్చిన అభియోగాలపై దర్యాప్తు చేస్తున్నందుకు తనను బదిలీ చేశారన్నారు. అస్తానాపై వచ్చిన అభియోగాలకు సాక్ష్యాధారాలు లభించాయన్నారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.