జాతీయ వార్తలు
అన్ని అస్త్రాలూ వ్యర్థం!
S ,7 à 8 RSCA (si SASPAS) et 6 cialis pharmacie cialis rapports de stage.
శతాధిక వత్సరాల కాంగ్రెస్ పార్టీకి అతి పిన్న వయస్కుడిగా అధ్యక్ష బాధ్యతలు అందిపుచ్చుకున్న రాహుల్ గాంధీ మ్యాజిక్ ఏదీ లోక్‌సభ ఎన్నికల్లో పనిచేయలేదు. ప్రధాని నరేంద్రమోదీకి ఏకైక బలమైన ప్రత్యర్థిగా జాతీయ స్థాయిలో తన సత్తాను చాటుకునేందుకు రాహుల్ విసిరిన మహాఘట్ బంధం పాచికలు పారలేదు. కాంగ్రెస్ సారధ్యంలోని ఈ కూటమితో చేతులు కలిపిన ప్రాంతీయ పార్టీలన్నింటికీ మోదీ ప్రభంజనం ముచ్చెమటలు పోయించింది. మోదీని దెబ్బతీసేందుకు ఆయనపై రాహుల్ గాంధీ చేయని విమర్శలేదు. రాఫెల్ యుద్ధ విమానాల కొనుగోలు ఒప్పందం మొదలుకొని అనేక ఇతర అంశాలపైనా మోదీని వ్యక్తిగతంగా, రాజకీయంగా ఇరకాటంలో పడేసేందుకు రాహుల్ ఎంతగా ప్రయత్నించినా ఇటు కాంగ్రెస్ పార్టీని గానీ అటు ఆ పార్టీ సారధ్యంలోని ప్రాంతీయ పార్టీల కూటమినిగానీ జనం నమ్మలేదు. కాంగ్రెస్ కూడా సొంతంగా ఎక్కువ సీట్లకు పోటీ చేయక పోవడం అనేక రాష్ట్రాల్లో ప్రాంతీయ పార్టీల ప్రాబల్యం మీదే నమ్మకాన్ని పెట్టుకోవడం వల్ల దేశ ప్రజలు వేటినీ నమ్మకుండా సుస్థిర ప్రభుత్వానికే సార్వత్రిక ఎన్నికల్లో ఓటు వేశారు. గత ఎన్నికల కంటే కూడా కాంగ్రెస్ కొంతమేర మెరుగైనప్పటికీ అధికారానికి చాలా దూరంలోనే ఆగిపోవడాన్ని బట్టి చూస్తే ఈ ఎన్నికల్లో రాహుల్ జనాకర్షక శక్తి ప్రజలను కదిలించలేకపోయిందన్న విషయం స్పష్టమవుతోంది. ప్రియాంక గాంధీని చివరి క్షణంలో రంగంలోకి దింపినా అతిపెద్ద రాష్టమ్రైన యూపీలోనే కాదు రాహుల్ చాలా బలంగా నమ్ముకున్న ప్రాంతీయ పార్టీల కూటమి కూడా అనుకున్న స్థాయిలో విజయాన్ని సాధించలేక పోయింది. రాహుల్ సారధ్యంలో కాంగ్రెస్ పార్టీ అసలు కేంద్రంలో అధికారంలోకి రాగలుగుతుందా? అన్న అనుమానాలకు ఈ ఫలితాలు ఆస్కారాన్ని ఇస్తున్నాయి. ప్రత్యర్థి పార్టీలు ఎంతగా ఏకమైనా మోదీని నిలువరించలేకపోయాయంటే అతిపెద్ద పార్టీగా ఉన్న కాంగ్రెస్ సారధిగా రాహుల్ కూడా తన జనాకర్షక శక్తితో ప్రజలను ఆకట్టుకోలేకపోయారంటే ఆయన నాయకత్వ పటిమకు సంబంధించి అనుమానాలకు తెరలేవడం ఖాయంగా కనిపిస్తోంది. అన్ని ప్రాంతీయ పార్టీలను కూడగట్టినా రాహుల్ గాంధీ ఆశించిన స్థాయిలో మోదీని ఏమాత్రం ఎదుర్కోలేకపోయాంటే సహజంగానే కాంగ్రెస్ పార్టీలోనూ ఆయన పట్ల విమర్శలకు ఆస్కారం ఏర్పడుతుంది. గత లోక్‌సభ ఎన్నికల్లో కనీసం ప్రధాన ప్రతిపక్ష హోదా స్థాయి సీట్లను కూడా గెలుచుకోలేపోయిన కాంగ్రెస్ పార్టీకి కొంతలో కొంతైన ఊరట నిచ్చాయన్నది వాస్తవం. మరి అనూహ్యమైన, అనితర సాధ్యమైన మెజారిటీతో కేంద్రంలో కొలువుదీరనున్న మోదీ సర్కార్‌ను అరకొర సీట్ల బలంతో ప్రతిపక్షాలు ఏమేరకు అడ్డుకోగలుగుతాయన్నది ప్రశ్నార్ధకమే. రాఫెల్ మొదలుకొని చౌకీదార్ చోర్ వరకూ మోదీపై రాహుల్ చేసిన విమర్శలను జనం అస్సలు పట్టించుకోలేదు. ఈ నేపథ్యంలో అమిత బలంతో కొత్తగా కొలువుదీరే మోదీని ఎదుర్కోవడం అన్నది ప్రతిపక్షాలకు కత్తిమీద సాములాంటిదే. తాజా ఫలితాలతోప్రతిపక్షాలు రాహుల్ గాంధీ సారధ్యంలో అంతే ఐక్యతతో లోక్‌సభలో వ్యవహరిస్తాయా? లేక ఎవరికి వారే యమునాతీరే అన్న రీతినే కనబరుస్తాయా అన్నది వేచిచూడాల్సిందే!
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.