జాతీయ వార్తలు
అఫ్గాన్‌లో భారతీయ ఉద్యోగుల అపహరణ
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ/ కాబూల్, మే 6: ఆఫ్గనిస్తాన్ విద్యుత్ కంపెనీలో పనిచేస్తున్న ఏడుగురు ఉద్యోగులను కొందరు సాయుధులు అపహరించినట్టు విదేశాంగ శాఖ తెలిపింది. వీరిలో ఆరుగురు భారతీయులు. బాగ్లాన్ ప్రావిన్స్‌లో చోటుచేసుకున్న ఈ ఘటనపై ఆఫ్గాన్ అధికార్లతో ఎప్పటికప్పుడు సంప్రదింపులు జరుపుతున్నామని పేర్కొంది. ప్రావెన్షియల్ రాజధాని పుల్-ఇ-ఖోమ్రెకు చెందిన బాగ్-ఇ-షామెల్ గ్రామంలోని కేఈసీ అనే భారతీయ కంపెనీలో పనిచేస్తున్న మొత్తం ఏడుగురిని సాయుధులు కొందరు అపహరించారు. వీరిలో ఒకరు అఫ్గాన్ జాతీయుడు కాగా మిగిలినవారు భారతీయులు. ఈ కంపెనీ ఇక్కడ ఒక సబ్-స్టేషన్‌ను కాంట్రాక్ట్‌కు తీసుకుంది. ఇది తాలిబన్ల పనేనని బాగ్లాన్ ప్రావెన్షియల్ కౌన్సిల్ ఆరోపించింది. ఇప్పటివరకు ఈ అపహరణకు తామే బాధ్యులమని ఏ గ్రూపు ప్రకటించలేదు. అఫ్గానిస్తాన్‌లో విద్యుత్ సరఫరాకు సంబంధించి పనిచేస్తున్న అతిపెద్ద భారతీయ కంపెనీల్లో కేఈసీ కూడా ఒకటి.
మా ఉద్యోగులను రక్షించండి
తాలిబన్లు అపహరించిన తమ ఉద్యోగులను కాపాడాలంటూ ఆర్‌పీజీ ఎంటర్‌ప్రైజెస్ ఛైర్మన్ గోయంకా, విదేశాంగ శాఖ మంత్రి సుష్మా స్వరాజ్‌ను అభ్యర్థించారు. అపహరణకు గురైన ఉద్యోగులు పనిచేస్తున్న కేఈసీ కంపెనీ ఆర్‌పీజీ గ్రూపునకు చెందినది. వౌలిక వసతుల ఇంజినీరింగ్, ప్రొక్యూర్‌మెంట్ మరియు నిర్మాణరంగంలో ఈ సంస్థ అంతర్జాతీయ స్థాయి దిగ్గజం. కాగా తాము అఫ్గాన్ అధికార్లతో సంప్రదింపులు జరుపుతున్నామని విదేశాంగ శాఖ వెల్లడించింది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.