జాతీయ వార్తలు
బెంగాల్ బాండ్లు!
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, మే 25: భారీ మెజారిటీతో అధికారంలోకి వచ్చిన తృణమూల్ కాంగ్రెస్ అధినేత్రి, ముఖ్యమంత్రి మమతా బెనర్జీ నుంచి తమ శాసన సభ్యులను కాపాడుకునేందుకు కాంగ్రెస్ హైకమాండ్ ‘బాండు పేపర్ హామీ పత్రం’ బాటపట్టింది. ‘కాంగ్రెస్ అధినేత్రి సోనియాగాంధీ, ఉపాధ్యక్షుడు రాహుల్‌గాంధీకి విధేయులుగా ఉంటాం. పార్టీ ఫిరాయింపులకు పాల్పడబోం’ అంటూ వంద రూపాయల బాండు పేపర్‌పై ఎమ్మెల్యేలతో హామీపత్రం రాయించుకున్నారు. పశ్చిమ బెంగాల్ శాసన సభకు ఇటీవల జరిగిన ఎన్నికల్లో కాంగ్రెస్ 44 స్థానాలు గెలుచుకుంది. గతంలో కాంగ్రెస్ బలం 42. ఈ ఎన్నికల్లో కాంగ్రెస్, వామపక్షాలు కలిసి పోటీ చేశాయి. కాంగ్రెస్ 44 సీట్లతో ప్రధాన ప్రతిపక్షస్థాయికి ఎదిగితే సిపిఎం మూడోస్థానానికి పడిపోయింది. ప్రధాన ప్రతిపక్షం హోదాను కాపాడుకోవాలంటే తమ శాసన సభ్యులు పార్టీ ఫిరాయించకుండా చూసుకోవాలి. భారీ మెజారిటీతో వరుసగా రెండోసారి అధికారంలోకి వచ్చిన తృణమూల్ కాంగ్రెస్ అధినేత్రి మమతా బెనర్జీ తమ పార్టీ ఉనికిలేకుండా చేయాలని వ్యూహం పన్నుతున్నారని పసిగట్టిన కాంగ్రెస్ నేతలు బాండు రాజకీయమే శ్రీరామరక్ష అని భావిస్తున్నారు. కాంగ్రెస్ అధినేత్రి సోనియాగాంధీ, ఉపాధ్యక్షుడు రాహుల్ గాంధీకి విధేయులుగా ఉంటామని, ఎట్టిపరిస్థితుల్లో పార్టీ ఫిరాయింపులకు పాల్పడబోమని రాయించుకున్నారు. అంతేకాకుండా పార్టీని వీడిపోవలసి వచ్చే పక్షంలో అధినాయకులను విమర్శించడంగానీ, కాంగ్రెస్ లోటుపాట్ల గురించి బహిరంగంగా చర్చించడంగానీ చేయబోమని శాసన సభ్యులతో హామీ తీసుకున్నారు. వేరే పార్టీలో చేరాలనుకునే పక్షంలో శాసన సభ సభ్యత్వానికి రాజీనామా చేస్తామంటూ పశ్చమ బెంగాల్ కాంగ్రెస్ శాసన సభ్యుల చేత హామీ పత్రం రాయించుకున్నారు. పశ్చిమ బెంగాల్ పిసిసి అధ్యక్షుడు, లోక్‌సభ సభ్యుడు అధిర్‌రంజన్ చౌదరి మంగళవారం కోల్‌కత్తాలో పార్టీ కార్యాలయంలో సిఎల్పీ సమావేశం ఏర్పాటు చేసి కాంగ్రెస్ శాసన సభ్యులతో బాండు పేపర్‌పై సంతకం చేయించుకున్నారు. సోనియాగాంధీ, రాహుల్ గాంధీ పట్ల విధేయత ప్రకటించుకునేందుకే ఎమ్మెల్యేలు ఈ హామీపత్రం రాసి ఇచ్చారని అధిర్ రంజన్ చౌదరి చెబుతున్నా, తృణమూల్ కాంగ్రెస్ ప్రలోభాలకు తమ సభ్యులు లొంగిపోతారేమోననే భయంతోనే కాంగ్రెస్ హైకమాండ్ వారితో హామీ పత్రాలు రాయించుకున్నదని అంటున్నారు.
అద్భుతమైన ఆలోచన
బాండు పేపర్‌పై విధేయత రాయించుకోటం అద్భుత ఆలోచన అని పశ్చిమ బెంగాల్ కాంగ్రెస్ సీనియర్ నాయకుడు మానస్ బునియా అభిప్రాయపడ్డారు. పార్టీ చీఫ్ సోనియాగాంధీ, ఉపాధ్యక్షుడు రాహల్‌గాంధీకి హామీపత్రం రాయించుకోవటంతో ఎలాంటి సంబంధం లేదని, ఇది పూర్తిగా రాష్ట్ర కాంగ్రెస్ ఆలోచన అని ఆయన చెబుతున్నారు. ప్రజాస్వామ్య పార్లమెంటరీ వ్యవస్థలో ఇదొక కొత్త ఆలోచనా విధానమని బునియా వ్యాఖ్యానించారు. శాసన సభ్యులను బానిసలుగా మార్చారన్న వాదన నిజం కాదని, తమను అసెంబ్లీకి పంపిన పార్టీ హైకమాండ్ పట్ల విధేయతను చాటుకునేందుకు ఎమ్మెల్యేలు ఈ హామీ పత్రం రాసిచ్చారని ఆయన వాదిస్తున్నారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.