జాతీయ వార్తలు
విధానానికి విరుద్ధంగాపొత్తా?
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, మే 30: ఇటీవల జరిగిన పశ్చిమ బెంగాల్ అసెంబ్లీ ఎన్నికల్లో సిపిఐ(ఎం) రాష్ట్ర శాఖ అనుసరించిన ఎన్నికల వ్యూహాలు.. పార్టీ కేంద్ర కమిటీ నిర్ణయాలకు, పార్టీ రాజకీయ ఎత్తుగడల పంథాకు అనుగుణంగా లేవని ఆ పార్టీ పొలిట్‌బ్యూరో అభిప్రాయపడింది. సిపిఐ(ఎం) రాజకీయ ఎత్తుగడల పంథా ప్రకారం పార్టీ ఎన్నికల్లో కాంగ్రెస్‌తో ఎలాంటి అవగాహన కుదుర్చుకోవడానికి కాని పొత్తు పెట్టుకోవడానికి కాని వీల్లేదు. రెండు రోజుల పాటు జరిగిన సిపిఐ(ఎం) పొలిట్‌బ్యూరో సమావేశాల అనంతరం ఆ పార్టీ ప్రధాన కార్యదర్శి సీతారాం ఏచూరి సోమవారం ఇక్కడ విలేఖరులతో మాట్లాడుతూ ఇటీవల పశ్చిమబెంగాల్, కేరళ, తమిళనాడు, అసోం, పుదుచ్చేరి అసెంబ్లీలకు జరిగిన ఎన్నికల్లో సిపిఐ(ఎం) పనితీరును ఆ పార్టీ పొలిట్‌బ్యూరో ఈ రెండు రోజుల సమావేశాల్లో సమీక్షించింది. పశ్చిమబెంగాల్‌లో కాంగ్రెస్ పార్టీతో కలిసి పోటీ చేసిన సిపిఐ(ఎం) కేవలం 26 స్థానాలను గెలుచుకొని మూడో స్థానంలోకి దిగజారిపోయింది. గత అసెంబ్లీ ఎన్నికలతో పోలిస్తే ఆ పార్టీ బలం 14 స్థానాలు తగ్గింది. కాంగ్రెస్ పార్టీ గత ఎన్నికల కన్నా రెండు స్థానాలను అధికంగా గెలుచుకొని 44 స్థానాలతో అసెంబ్లీలో ప్రధాన ప్రతిపక్ష స్థాయికి ఎదిగింది. ఎన్నికల్లో కాంగ్రెస్‌తో కలిసి పోటీ చేయడంపై అసంతృప్తి ఉన్నప్పటికీ, బెంగాల్‌లో అధికార తృణమూల్ కాంగ్రెస్ శ్రేణులు ప్రతిపక్షాల సభ్యులపై చేస్తున్న అమానుష దాడులకు వ్యతిరేకంగా రెండు పార్టీలు ఇతర పక్షాలతో కలిసి ఉమ్మడి పోరాటాన్ని ప్రారంభించాలని సిపిఐ(ఎం) పొలిట్‌బ్యూరో పిలుపునిచ్చింది. తృణమూల్ కాంగ్రెస్ దాడులకు పాల్పడుతోందని ఆరోపిస్తున్న బిజెపిని కూడా ఈ ఉమ్మడి పోరాటంలో కలుపుకొని పోతారా? అన్న ప్రశ్నకు సీతారాం ఏచూరి స్పందించలేదు. తృణమూల్ కాంగ్రెస్ ఒక పద్ధతి ప్రకారం ప్రతిపక్షాలపై దాడులను ప్రారంభించిందని సీతారాం ఏచూరి తెలిపారు. అనేక మంది సిపిఐ(ఎం) కార్యకర్తలు ఈ దాడుల్లో ప్రాణాలు కోల్పోయారని చెప్పారు. తృణమూల్ కాంగ్రెస్ కార్యకర్తలు సిపిఐ(ఎం)కు చెందిన 600కు పైగా పార్టీ కార్యాలయాలను లూటీ చేయడంతో పాటు ధ్వంసం చేశారనిఏచూరి వివరించారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.