జాతీయ వార్తలు
థెరెసాకు సెయింట్‌హుడ్
S ,7 à 8 RSCA (si SASPAS) et 6 cialis pharmacie cialis rapports de stage.
కోల్‌కతా, డిసెంబర్ 18: నోబెల్ శాంతిబహుమతి గ్రహీత, ఆర్తులను ప్రేమగా అక్కున చేర్చుకుని కరుణామయిగా నిలిచిపోయిన మదర్ థెరెసాను సన్యాసినిగా ప్రకటించనున్నారు. దివంగత మదర్ థెరెసాలోని అతీత శక్తిని పోప్ ప్రాన్సిస్ గుర్తించిన తర్వాత ఆమెను సెయింట్‌గా ప్రకటించడానికి మార్గం సుగమం అయింది. మదర్ థెరెసాకు చెందిన రెండవ అద్భుతాన్ని చర్చి ధ్రువీకరించిందని, మదర్ థెరెసాకు సెయింట్‌హుడ్‌ను ఇవ్వనున్నట్లు వాటికన్‌నుంచి తమకు ఇప్పుడే అధికారిక ధ్రువీకరణ అందిందని, ఈ వార్త తెలిసి తమకు ఎంతో సంతోషంగా ఉందని మిషనరీ ఆఫ్ చారిటీ ప్రతినిధి సునీతా కుమార్ శుక్రవారం పిటిఐతో అన్నారు. వచ్చే ఏడాది సెప్టెంబర్‌లో ఈ దివంగత సన్యాసినికి అధికారికంగా సెయింట్‌హుడ్‌ను ప్రకటిస్తారని తెలుస్తోంది. మదర్ థెరెసా ప్రార్థనల వల్ల బ్రెయిన్ ట్యూమర్లతో బాధపడుతున్న బ్రెజిల్‌కు చెందిన ఒక వ్యక్తికి వ్యాధి నయమైనట్లు త్రిసభ్య కమిటీ ధ్రువీకరించిందని వాటికన్ ఒక ప్రకటనలో పేర్కొన్నట్లు ఒక మీడియా కథనం తెలిపింది.
మదర్ థెరెసా మిషన్ ఆఫ్ చారిటీస్ సంస్థను ఏర్పాటు చేయడంతో పాటు కోల్‌కతా వీధుల్లోని పేదలు, అనాథలు, రోగగ్రస్థులై చనిపోతున్న వారికి 45 ఏళ్ల పాటు సేవలు అందించారు. 87వ ఏట 1997లో ఆమె కోల్‌కతాలో మరణించారు. మదర్ థెరెసాను సెయింట్‌గా గుర్తించాలన్న వాటికన్ సిటీ నిర్ణయం పట్ల పశ్చిమ బెంగాల్ ముఖ్యమంత్రి మమతా బెనర్జీ మిషనరీస్ ఆఫ్ చారిటీని అభినందించారు. 2016లో మదర్ థెరెసాను సెయింట్‌గా ప్రకటించనున్నారన్న వార్తను ఇప్పుడే విన్నానని, ఈ సంతోష సమయంలో మిషనరీస్ ఆఫ్ చారిటీకి నా శుభాకాంక్షలని మమత ఒక ప్రకటనలో పేర్కొన్నారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.