జాతీయ వార్తలు
పాక్‌తో తీరప్రాంత దళాల చర్చలు రద్దు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఏప్రిల్ 15: భారత నౌకాదళ మాజీ అధికారి కుల్‌భూషణ్ జాదవ్ వ్యవహారం ఇరు దేశాల మధ్య తీవ్ర స్థాయిలో ఉద్రిక్తతలు రగిలిస్తున్న నేపథ్యంలో వచ్చేవారం పాకిస్తాన్‌తో జరగనున్న తీర ప్రాంత రక్షణ దళాల చర్చలను భారత్ రద్దు చేసుకుంది. ఈ నెల 16, 19 తేదీల్లో జరిగే చర్చల్లో పాల్గొనేందుకు పాకిస్తాన్ తీరప్రాంత భద్రతా ఏజెన్సీ (ఎంఎస్‌ఏ) సారథ్యంలో ప్రతినిధుల బృందం భారత్‌కు రావాల్సి వుంది. తాజా ఉద్రిక్తతల కారణంగా ఈ చర్చలను భారత్ రద్దుచేసుకోవడంతో ఇరు దేశాల మధ్య పరిస్థితి మొదటికొచ్చినట్లయింది. అసలు పాక్ బృందం పర్యటనకు భారత రక్షణ మంత్రిత్వశాఖ ఆమోదం తెలపలేదని అధికార వర్గాలు వెల్లడించాయి. గూఢచర్యం, విచ్ఛిన్నకర కార్యకలాపాలకు పాల్పడ్డారన్న అభియోగాలపై జాదవ్‌కు పాకిస్తాన్ సైనిక కోర్టు మరణ శిక్ష విధించిన విషయం తెలిసిందే. దీన్ని తీవ్రంగా ప్రతిఘటించిన భారత్ ఆయనపై దాఖలైన చార్జిషీట్‌ను అందించాలని డిమాండ్ చేసింది. అందుకు పాక్ తిరస్కరించిన నేపథ్యంలో తీర ప్రాంత నౌకాదళ భద్రతా దళాల చర్చలు రద్దుకావడం గమనార్హం. తాను పాకిస్తాన్‌లో విచ్ఛిన్నకర కార్యకలాపాలకు కుట్ర పన్నిన విషయాన్ని జాదవ్ అంగీకరించినట్లుగా పాకిస్తాన్ ఓ నేరాంగీకార వీడియోను కూడా విడుదల చేసింది. అయితే దాన్ని తిరస్కరించిన భారత్ జాదవ్‌ను పాకిస్తాన్ అధికారులు కిడ్నాప్ చేశారని స్పష్టం చేసింది. అసలు జాదవ్ ఎక్కడున్నాడో, ప్రస్తుతం అతను ఏ స్థితిలో ఉన్నాడో కూడా తెలియజేయడానికి పాకిస్తాన్ నిరాకరిస్తోందని భారత్ తీవ్రంగానే స్పందించింది. ఇరు దేశాల మధ్య ఉన్న ఒప్పందాన్ని కూడా పాకిస్తాన్ ఉల్లంఘిస్తోందని జాదవ్‌కు దౌత్యపరమైన సహాయాన్ని అందించేందుకు నిరాకరించిందని తెలిపింది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.