Others
నిప్పుకణిక
S ,7 à 8 RSCA (si SASPAS) et 6 cialis pharmacie cialis rapports de stage.
Published Wednesday, 23 October 2019
- గవిడి శ్రీనివాస్, 9966550601
యుద్ధం ముగిసిన చోట
మరో ఆంతరంగిక యుద్ధం జరుగుతుంది
స్వప్నాలు ఎగిరిపోతుంటే
మంచు చరియలు విరిగిపడి కప్పబడిన
దేహాల్లోంచి ధైర్యంగా నడిచిన
విజయకేతనమే కలల సాకారం
తూటాలను గుండెల్లో నాటిన
సైనిక సాహసమే
సరిహద్దుల వెంట పహారా కాస్తుంది
మెరుపు దాడుల వెంట
రాజనీతి బోధపడుతుంది
ఆక్రమితమెప్పుడూ ముంపునకు
దారితెరిచే ఉంటుంది
చెమట చుక్కల వెంట
రక్తపు మడుగుల వెంట
దేశ దేహాల భత్రలూ ముడిపడివుంటాయి
కవ్వింపు చర్యల వెంట
తూటాలు దూకుతుంటాయి
సిద్ధాంతాలు వేరు వాస్తవాలు వేరు
ఖననమైన ఆశల్ని ఎలుగెత్తటానికి
నరమేధమే సిద్ధం కావాల్సిన అవసరం లేదు
నిరసన నిప్పుకణికలు
నిజాన్ని వెదజల్లుతాయి
అయనా
ఆక్రమణ ఆజ్యం పోసిన చోట
చల్లబడ్డ యుద్ధమేఘాలు
మళ్లీ గర్జిస్తుంటాయి