కణ కూర్పు

ముక్కు మీది వేలు లేదు
గడియారంలోని ముల్లు లేదు
సర్పాలు తలపాగాల్లా అల్లుకుంటున్నాయ
తెగిపోతున్న వేళ్లు
అరచేతి జాతరలో -
గోడల్లేని ఇంట్లో
తుపాను పాయసం ఆరగింపు!
ఉల్లి పొరల్లా వస్త్రాలు ఊడిపోతున్నాయ
చేపలు పట్టే వలలోనే
చేపల్లా తనువులు హత్యీకరణ
అ, ఆ ల, ఓనమాల గులాబీలు
రక్తం కక్కుతున్నాయ!
గరిక మొలకెత్తని దిబ్బలు లేస్తున్నాయ!
నాలుకలు చెప్పుల్లా మారుతూ
చీకటి జపంలోనే లీనమైపోతున్నాయ!
సైన్స్ బిరడా తెరిస్తే దెయ్యపు గాలి
బొత్తాములు లేని చొక్కా
చంద్రుడు లేని ఆకాశం!
క్షణానికో కణం ఓ వ్యాధిగ్రస!
ఎదురెదురు దేహాలు రెండు దిష్టిబొమ్మలు!
ఇంటిముందు మాను మూలుగుతుంది
శాంతికి కళ్లద్దాలు కొనడానికి
సంతకి బయలుదేరింది ‘్ధంసా’ నాట్యం!
నేల నేలంతా చిల్లర దండాలు
పాదాల నీడల్లో పావురాల్లాంటి గుడారాలు!
మొగలి పూల కన్నులు మెరిసే చోట
జడల అజెండాలు ఊపిరిలూదే చోట
నలుగుపిండి నూరిచ్చే చోట
విశ్వ దర్జీలకి ఓ అర్జీ
కత్తిరింపుల కణ కూర్పు కోసం