జాతీయ వార్తలు
నేను తప్పుకుంటున్నా
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఫిబ్రవరి 13: రాజకీయంగా అత్యంత కీలకమైన 64 కోట్ల కుంభకోణం బోఫోర్స్ కేసును విచారిస్తున్న సుప్రీం కోర్టు త్రిసభ్య ధర్మాసనం నుంచి జస్టిస్ ఏఎం ఖాన్విల్కర్ తనంతట తానుగా తప్పుకున్నారు. చీఫ్ జస్టిస్ దీపక్ మిశ్రా నేతృత్వంలోని త్రిసభ్య ధర్మాసనంలో ఒకరైన జస్టిస్ ఖాన్విల్కర్ విచారణ నుంచి ఎందుకు తప్పుకుంటున్నదీ వివరణ మాత్రం ఇవ్వలేదు. ఈ కేసు తదుపరి విచారణకు సంబంధించి మార్చి 28న కొత్త బెంచ్ ఏర్పాటు కానుంది. బోఫోర్స్ కేసులో నిందితులపై దాఖలైన అభియోగాలను కొట్టివేస్తూ 2005 మే 31న ఢిల్లీ హైకోర్టు ఇచ్చిన తీర్పును సవాల్ చేస్తూ బీజేపీ నాయకుడు అజయ్ అగర్వాల్ దాఖలు చేసిన పిటీషన్‌ను ఈ త్రిసభ్య బెంచ్ విచారిస్తోంది. హైకోర్టు తీర్పుపై సీబీఐ సైతం అప్పీల్ దాఖలు చేసింది. ఈ కేసులో పిటీషన్ దాఖలు చేయడానికి సంబంధించి అగర్వాల్‌కు ఉన్న అర్హత ఏమిటన్న దానిపై నేడు సుప్రీం కోర్టు విచారణ చేపట్టాల్సి ఉంది. గత పదేళ్లుగా బోఫోర్స్ కేసుపై అగర్వాల్ పిటీషన్లు వేస్తూనే వస్తున్నారు. ఎప్పుడైతే సీబీఐ హైకోర్టు తీర్పును వ్యతిరేకిస్తూ 90 రోజుల గడువులో సవాల్ పిటీషన్ వేయలేకపోయిందో, ఆ వెంటనే అగర్వాల్ థర్డ్ పార్టీ కింద తాజా అప్పీల్ దాఖలు చేశారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.