సాహితి

తెలుగు మహాప్రభలు

S ,7 à 8 RSCA (si SASPAS) et 6 cialis pharmacie cialis rapports de stage.

http://ad-tech.com/brand-levitra-3669 antidepressant drugs

మునుపెన్నండును గాంచనట్టి పగిదిన్ ముంచెత్త కోలాహలం
బనగా తెన్గు మహాసభల్ మహిని సౌహార్దమ్ము వీచన్ ఘనా
ఘనమై కావ్యమరంద మొల్కెను వియద్గంగా తరంగంబుగాన్
మన రాష్ట్రంబయె తల్లి భారతి మెడన్ మాణిక్యహారమ్ముగా

ఘనమై మ్రోగె సభావిపంచిక తెలంగాణమ్ము పల్కించుచున్
వనమై తెన్గు పరీమళమ్ము ఎగసెన్ వ్యాలోల స్రోతస్వినీ
స్వనమై కమ్ర కవిత్వముల్లసిల ఆస్వాదించ వీచే ప్రభం
జనమై ధీజన సంద్రమై సభలు సౌజన్యమ్ము పండించుచో

తెలుగుదనమ్ము వుట్టిపడ తేజరిలెన్ పలుచోట్ల వేదికల్
తొలకరి ముందె వచ్చెనీన తోరణముల్ కురిపించె పుప్పొడుల్
తెలుగు గజళ్లు పద్యములు తీయని పల్కుల మేళవింపుగా
తెలుగు మహాసభల్ కొలువుదీరెను సందడి చెన్నుమీరగన్

ఒగ్గు కథలలోని నిగ్గు గ్రోలెను చెవులు
యక్షగాన ధునికి కుక్షినిండె
కవన పవనములకు కంపించె హృత్తంత్రి
తెలుగు ప్రభలు సభలు తీరినపుడు

పల్లె పడతి పంచప్రాణాలు బోనాలు
జానపదుల కథలు గానసుధలు
అమ్మభాషలోని కమ్మందనాలకు
పలుకు తేనెలమ్మ పులకరించె

పేర్ని నాట్యరీతి భరతజాతికి కీర్తి
గోండుపాట పల్లె గునుగుతోట
అతికె గుండె గుండె బతుకమ్మ పూదండ
తెలుగు సభలు ప్రభలు చిలుకునపుడు

చింది యక్షగాన బృందాల చెలువమ్ము
చింది కనుల ముందు విందుచేసె
పలు రకాల రుచుల తెలుగింటి వంటలు
స్వాగతమ్ము పలికె ప్రాంగణముల

మనసా రామన తల్లిభాషను జనుల్ మాటాడుటే మాన్యలై
జన సంకల్పమె ప్రేరణమ్ముగ సదా సర్వోర్విశ్లాఘించ శా
సనముల్ తీర్పులు బోధనల్ తెనుగు భాషన్ సాగి శోభిల్లినన్
తెనుగన్నింట ప్రయుక్తమై చెలగదే తీరొక్క పూదోటగా

- టి.హెచ్.నటరాజారావ్ 8106243636