ఉత్తరాయణం
రైళ్లలో భద్రత ప్రశ్నార్థకం
S ,7 à 8 RSCA (si SASPAS) et 6 cialis pharmacie cialis rapports de stage.
విజయనగరం జిల్లా కూనేరు వద్ద హీరాఖండ్ ఎక్స్‌ప్రెస్ పట్టాలు తప్పిన ఘటనలో నలభై ఒక్క మంది ప్రయాణికులు ప్రాణాలు కోల్పోవడం, వందలాది మంది గాయాలపాలు కావడం అత్యంత బాధాకరం. ఈ ప్రమాదానికి కారణం మానవ తప్పిదమా, అలసత్వమా, విద్రోహచర్యా అన్నది పక్కనపెడితే - రైల్వే భద్రత రానురానూ తీసికట్టుగా తయారౌతుందన్నది కాదనలేని సత్యం. జనసామాన్యానికి ప్రధాన ప్రయాణ సాధనంగా, సరకు రవాణాకి ప్రధానమార్గంగా ఉన్న భారతీయ రైల్వే ఆధునీకరణ సంతరించుకోవడం లేదు. పాత బోగీల స్థానే ఆధునిక ఎల్.హెచ్. బోగీల్ని ప్రవేశపెడితే ప్రమాద పరిస్థితుల్లో నష్ట తీవ్రత తగ్గుతుంది. ఆ దిశగా ప్రయత్నాలు నత్తనడకన సాగుతున్నాయి. అధునాతన సిగ్నలింగ్ వ్యవస్థ ఏర్పాటు, కాలపరిమితి ప్రకారం పట్టాల్ని సరిదిద్దే పనులు, ట్రాఫిక్ పరంగా పర్యవేక్షక సిబ్బందిని పెంచడం, బలహీనమైన వంతెనల స్థానంలో కొత్తవాటిని నిర్మించడం ఇత్యాది కార్యాచరణలు నిధులలేమి పేరుతో ఆలస్యంగా, అరకొరగా రూపుదాలుస్తున్నాయి. ప్రయాణికుల ప్రాణాల్ని గాలిలో దీపాలుగా మార్చే ఈ ధోరణినుండి రైల్వేశాఖ బయటపడాలి. ఇపుడు సాధారణ బడ్జెట్‌లో భాగమైపోయిన రైల్వేశాఖ పద్దులో ప్రయాణీకుల రక్షణకు, భద్రతకు ఏస్థాయిలో నిధులు కేటాయిస్తరన్నది అనుమానమే.
-డా.డి.వి.జి.శంకరరావు, పార్వతీపురం
హామీలు మరచారా?
ఉద్యోగులపైనే ప్రభుత్వ భవిత ఉంది. ఉద్యోగులకు ఎలాంటి ఇబ్బంది లేకుండా పాలన సాగుతుందని ఎన్నికల ముందు వల్లెవేసి అధికారం చేపట్టిన పిదప ఎపి సిఎం చంద్రబాబు రిటైర్మెంట్ వయసును పెంచడం తప్ప చేసిందేమీ లేదు. వేతన సవరణ సంఘం సూచించిన సర్వీసు వెయిటేజి ఐదునుండి ఎనిమిదేళ్లకు పెంపు, జూన్ 14నుండి మార్చి 2015వరకు గల సవరణ బకాయిలు చెల్లించకపోవటం, ఖాళీల భర్తీ హామీ కాగితాలకే పరిమితమైంది. ఎన్నికల ప్రణాళికలో ప్రకటించని ఎన్నో పనులకు వేల కోట్ల రూపాయలు కేటాయిస్తుండగా, పథకాలను చిత్తశుద్ధితో అమలుచేసే ప్రభుత్వోద్యోగుల సమస్యలను పక్కనపెట్టడం సరైనది కాదు. ఉద్యోగులు, పింఛనుదారులు ఇప్పటికే తీవ్ర వ్యతిరేకతతో ఉన్నారు. ఎన్నికల ముందు వారికి ఇచ్చిన హామీలు అమలుచేయాలి.
- యర్రమోతు ధర్మరాజు, ధవళేశ్వరం
విగ్రహాలకు ముసుగులేల..
ఎన్నికల సంఘం ఆదేశాలు కొన్ని ఒక్కోసారి భలే వినోదాలు పంచుతాయి. ఫలానా నేతల ఫొటోలు, విగ్రహాలు, పార్టీ గుర్తులు రోడ్లపై ఎక్కడా కనిపించరాదని ఎన్నికల సంఘం వోట్ల జాతర జరిగే ప్రతిసారీ ఆదేశిస్తుంది. భారీ హోర్డింగ్‌లు, విగ్రహాలు తొలగించలేక వాటికి కాగితాలు అంటించడమో, ముసుగు వేయడమో చేస్తారు. ఇది హాస్యాస్పదం. ఎందుకంటే ప్రజలు తెలివి మీరారు. బొమ్మలు, విగ్రహాలను చూసి వారి మనసులు మారిపోవు. ఓటువేయాలనుకున్న వారికే వేస్తారు. పైగా ముసుగులు, అంటింపులు వారి దృష్టిని మరీ ఆకర్షిస్తాయి. వాటి వెనుక ఏ నేతలు, ఏ గుర్తులున్నాయో మననం చేసుకుంటారు. అలాంటప్పుడు ఎన్నికల సంఘం లక్ష్యం దెబ్బతిన్నట్టే కదా!
- హితీక్ష, రమణయ్యపేట
Related Articles
ఆఫ్రికా, ఆసియా (పాకిస్థాన్) తదితర ఖండాలలో గత కొంతకాలంగా మిడతల వల్ల పంటలు దెబ్బతిని ఆర్థికంగా తాము తీవ్రంగా నష్టపోతున్నామని అక్కడ రైతులు తీవ్ర ఆవేదన వ్యక్తం చేస్తున్నారు. మిడతల దాడివల్ల గోధుమ, మొక్కజొన్న, ప్రత్తి వంటి పంటలతోపాటు పలు కూరగాయల సాగుకు కూడా అవరోధం ఏర్పడుతుంది.
ఈ మధ్యే కేంద్ర ఆర్థికశాఖ మంత్రి నిర్మలా సీతారామన్ ప్రవేశపెట్టిన బడ్జెట్ మరోసారి మన రాష్ట్ర అభివృద్ధికి చెప్పుకోదగ్గ రీతిలో ఏ మాత్రం నిధులు కేటాయించకుండా మరోసారి మొండి చెయ్యి చూపించి మన రాష్ట్ర ప్రజానీకాన్ని తీవ్ర నిరాశ నిస్పృహలకు గురిచేసింది.
తెలంగాణా రాష్ట్రానికి న్యాయంగా రావాల్సిన రైల్వే ప్రాజెక్టులను మంజూరు చేయడంలోను, ఇప్పటికే మంజూరైన ప్రాజెక్టులకు పనులు వేగవంతం అయ్యేందుకు తగిన నిధులు ప్రణాళికాబద్ధంగా విడుదల చేయడంలోనూ కేంద్ర ప్రభుత్వం బహుశా రాజకీయ అవసరాల కారణంగా తీవ్ర అలక్ష్యం ప్రదర్శిస్తోంది.
కేంద్ర మానవ వనరుల అభివృద్ధి మంత్రిత్వశాఖ ఆంధ్రప్రదేశ్‌లో ఏర్పాటుచేసిన గిరిజన విశ్వవిద్యాలయానికి- అలనాడు సవర (గిరిజన) భాషా వికాసానికి సేవలందించిన గిడుగు రామ్మూర్తి పేరు పెట్టాలి. రాష్ట్ర సవర భాషా సంఘం కూడా ఈ ప్రతిపాదనను పరిశీలించాలని గత నాలుగేళ్లనుండి డిమాండు చేస్తోంది.
కుల రిజర్వేషన్లు ఫలితంగా భారతదేశంలో ఎంతోమంది తెలివైన మేధావులు వారియొక్క శక్తియుక్తులు మనం వినియోగించుకోక పోవడంతో, విదేశాలకు ఉపయోగపడటంతో అవి అగ్ర రాజ్యాలుగా తయారయ్యాయి. అగ్రవర్ణాలలో చదువుకున్న అనేకమంది నూటికి నూరుమార్కులు సాధించినా వారికి సరైన ఉపాధి లేదు.