వీరాజీయం

పాకిస్తాన్‌కు వాతలు.. కోతలు

S ,7 à 8 RSCA (si SASPAS) et 6 cialis pharmacie cialis rapports de stage.

ట్వీట్ అంటే చిలక పలుకు కాదు.. అది అంబ పలుకు అనుకొనేలా చేశాడు ముఖ్యంగా మన నమోజీ- ఆదేశాలు సంతాపాలు శుభాకాంక్షలు అన్నీ ట్వీట్లమీదే ఒగ్గుతున్నారు ఘనాపాటీలనుంచి కుర్రకారు దాకా; ఇవాళ రేపూ జగమంతా ట్వీట్లమయమే- అమెరికా అధ్యక్షుడు అతి ముఖ్యమైన సంగతి ఏదైనా ముందుగా ట్వీట్ ఇస్తాడు. ఆనక ఆలోచిస్తాడు. ఆ తరువాత అధికార ప్రకటన వగైరాలు వెలువడతాయి. భారత ప్రధాని మోదీజీ ట్వీట్ అంటే అది రాజముద్ర పడ్డ తాఖీదే.. మన పవిత్ర భారతదేశంలో- తొంభై కోట్ల యాభై లక్షలమందికి మొబైల్స్ ఉన్నాయని అధికారికంగా తెలిసింది.. సంతోషం. అందుకే రజనీకాంత్ రాజకీయాల్లోకి దూకేశానని ట్వీట్ చెయ్యడమేమిటి? రెండు లక్షల లైకులు - రేడియో తరంగాల స్పీడుతో కురిసేయి.. రజనీకాంత్ ఆధ్యాత్మిక రాజకీయాలు దింపుతానన్నాడు- అదేమిటో? అని ఆలోచిస్తూ వుండగా- ట్రంప్ మహాశయుడు- అనగా అమెరికా బాస్ బ్రహ్మాండమైన ట్వీట్ ఒగ్గాడు- ఏదీ? మనకి కొత్త సంవత్సరం గ్రీటింగ్స్‌లాగా అనిపించిన ట్వీట్ వేరు.. సదరు కర్ణపేయమైన చిలక పలుకులు ఏమిటయ్యా? అంటే- అవి అందవలసిన పాకిస్తాన్‌కి ముందు చిలకవాణిగా- ఆనక అమెరికా విదేశాంగ శాఖ ప్రతినిధి బుల్లితెర ద్వారా కూడా దిమ్మదిరిగే లాగ వార్నింగు అందింది. భేష్.. మమ్మల్ని ఉత్త మూర్ఖశిఖామణులనుకుంటోంది పాకిస్తాన్.. వాళ్లకి ఇస్తున్న ఆర్థిక సహాయాన్ని ‘కట్’ చేసేస్తాము.. ఏమనుకుంటున్నారో? మేము అందిస్తున్న ఆర్థిక సహాయాన్ని దిగమింగుతూ.. ఉగ్రవాదులకి స్వర్గసౌకర్యాలను అందిస్తోంది. ఔను మరి, సయ్యద్ హఫీజ్‌ను అచ్చోసిన ఆంబోతులాగా వదిలేశారు. ఇకమీదట ఇటు అమెరికా సాయం పొంది అటు హిక్కానీ, తాలిబన్లకు తన ఒడిలో చోటు ఇవ్వడం- అఫ్ఘాన్‌లో మేము వెంటాడుతున్న టెర్రరిస్టులకి దోహదపడటం మోసం కాదా? ఇక చెల్లదు’- అదీ ట్రంప్‌గారి ట్వీట్! ఈ ఘాటయిన ట్వీట్ పోటుకు పాకిస్తాన్ పరుముకోడం పూర్తికాలేదు- ఈలోగానే టక్కున ఆర్థిక సహాయం ‘కట్’ చేసేశాడు చండశాసనుడు.. పాకిస్తాన్.. డొక్కలో తంతే కుక్క అరిచినట్లు అరిచింది. అయితే, తొందరపడి మనం పొయెట్రీ ఒగ్గరాదు.. లోగడ అమెరికా-పాకిస్తాన్‌ల మధ్య ఇలాంటి మార్జాల ప్రణయం కొనసాగిన సంఘటనలను ఇండియా దటీజ్ భారత్ మర్చిపోకూడదు.. ఉపఖండంలో చుట్టూ సముద్రము వున్నా ఒక చెరువులాంటిది.. ఒక బెడ్డ ఒక చోట పడ్డదీ అంటే- తరంగాలు వేడివేడిగా అన్నీ వేపులా సాగుతాయి.. ఒకప్పుడు రష్యాకి దగ్గరగా వెళ్తుందేమో ఏ దేశమయినా అని భయపడే అమెరికా, ఇవాళ చీనా దేశంవేపు- అదే భయంతో చూస్తున్నది. అమెరికా ‘ఆగ్రహపత్రం’ పాకిస్తాన్ మీద చెరిగిన నిప్పులలో ముంబయి ప్రేలుళ్ల సూత్రధారి హఫీజ్ ప్రస్తావన వున్నది కానీ, అది చూసి మురిసిపోయే ప్రలోభంలో మన విదేశాంగ ‘్థన్కుటాంక్’ పడిపోకూడదు. ఇక్కడ మోదీజీ మహత్మ్యం ఏమీ లేదు. చైనా వేపు జరుగుతున్నది పాకిస్తాన్ అన్న సంగతి వాషింగ్టన్‌కి ఎరిక అయింది. దానితో దుర్యోధనుడికి ద్రౌపది నవ్వు తెప్పించినంత కోపం వచ్చింది అగ్రనాయక దేశానికి- కేవలం గాడిదల్ని మాత్రమే ఎగుమతి చేస్తోంది చైనాకి పాక్. అందుకే ఆర్థిక లావాదేవీల ‘నడవ’ ఏర్పాటు- అనుకుని ఇహిహ్హి అని నవ్వుకోవడం కాదు.. ఒకప్పుడు అమెరికా పాకిస్తాన్‌ను వాడుకున్నట్లు ఇవాళ దక్షిణాసియాలో పట్టుకోసం చైనా పాకిస్తాన్‌ని ఓ ఆట ఆడిస్తున్నది- ఎకనామిక్ కారిడార్ ఓ కార్నర్- ఇది మన పియెమ్వో ఆఫీసు దృష్టిని ఎంత ఆకర్షించిందో తెలియదు కానీ- అమెరికాకి చీనా ఐసోరుగా మారిపోయింది. మనకి అనుభవంగల సుష్మాస్వరాజ్ విదేశాంగ మంత్రిగా వున్నప్పటికీ ఆమె కేవలం విదేశాల్లో ఇరుక్కుని ఆర్తనాదం చేసే భారతీయ ముస్లిములు వనితల వెతలకు స్పందించి ట్వీట్ల ద్వారా పరిష్కారాలు చేపట్టే ‘ఆయమ్మ’గా అయిపోయింది అని ఎందరో పరిశీలకులు చెబుతున్నారు. పాకిస్తాన్ విదేశాంగ శాఖ ట్రంప్ దొర కొట్టిన ఈ చెంప దెబ్బ చెళ్లుమనిపించినా- నిబ్బరంగానే స్పదించింది పాక్.. కేవలం ఆర్థిక సహాయం కోతలేనా? ఇంకా ఏమైనా మోపు చేసేస్తాడా? డోనాల్డ్ దొర అన్న భయం ఇస్లాబాద్‌లో కనపడుతున్నది. అమెరికన్ దౌత్యాధికారిని పిలచి- ఇదేమన్నా బాగుందా? అంటూ ప్రొటెస్టు చేశారు.. హిక్కాని నెట్‌వర్క్‌మీద మేము బోలెడు చర్యలు తీసుకున్నాము అని ఫలితాలు చూపెట్టాలి అంటే ఆగాలి- మరి కాస్త డాలర్ల సాయం ఇవ్వాలి కానీ వున్న తోక కత్తిరిస్తే ఎట్లా? అన్న ధోరణిలో మాట్లాడింది పాక్. పనిలో పనిగా- భారతదేశంమీద ‘వాళ్లే’ కారణం అంటూ నిందవేసింది- పరోక్షంగా చైనా ఈ తొడపాశానికి కొంత కారణం- మరికొంత, ఆఫ్ఘానిస్థాన్‌లో వున్న అమెరికా సోల్జర్లు - ఈ టెర్రరిస్టు ముష్కరులు పాకిస్తాన్ వత్తాసుతో మా గుండెల్లో మంట పెడుతున్నారు అంటూ ఇటీవల అక్కడికి వెళ్లిన ట్రంప్ ప్రతినిధులకి వేడికోలు అందజేయడం కూడా వున్నది- పాకిస్తాన్ తను పెంచిన వేట కుక్కల్ని ఇండియామీద ఉసిగొల్పినట్లు అమెరికన్‌ల మీద కూడా ప్రయోగిస్తాం అంటే ఊరుకుంటారా? అసలే అమెరికా అధ్యక్షుడు పైగా- అతని పేరే డొనాల్డ్ ట్రంప్.
ఒక టీవీకి గురువారం ఇచ్చిన ఇంటర్వ్యూలో పాక్ విదేశాంగ మంత్రి దుఃఖపడుతూ భారత్‌తో అమెరికా కుమ్మక్కైందని, వారి అభిప్రాయాలను ఈ ప్రాంతంలో రుద్దేస్తున్నారు అని ఒకటే గోల. ట్రంప్ చేసిన వ్యాఖ్యలపై కూడా ఈ సమావేశంలో పాక్ అధికారులు చర్చించారు. వాళ్ల సొమ్ము తిన్నాము అని తిట్టేముందు- పాకిస్తాన్ అమెరికా సేనలకు మా రోడ్లు, విమానాశ్రయాలు- సరిహద్దులు వగైరా ఇస్తూ వస్తున్నాము. ఆ మాటకి వస్తే అమెరికా దేశమే మాకు తొమ్మిది మిలియన్ డాలర్లదాకా పరిహారంగా ఇవ్వాల్సి వుంటుంది అంటూ మేకపోతు గాంభీర్యం ప్రకటించాడు జనాబ్ ఖాళీజా హఫీజ్.. పాక్ ఆర్మీ మీడియా చీఫ్ కూడా మేము మాత్రం తక్కువ తిన్నామా? పాకిస్తాన్ ప్రజల కోసం ఏమైనా చేస్తాం అంటూ బీరాలు పలికాడు. అసలు విషయం ఇంకోటి వుంది. చైనా ఇండియామీద జవహర్‌లాల్ నెహ్రూ గవర్నమెంటు దలైలామాకి అడుగులకు మడుగులొత్తిన నాటినుంచి మండిపడుతూనే వుంది. ఓసారి డోక్లం రోడ్డు, మరోసారి అరుణాచల్ మీద విజిటూ ఇలా సతాయిస్తూనే వుంది. దక్షిణాసియా కోటలో భారత్ జెండా ఎగురుతుందేమోనన్న కడుపుమంట ఈనాటిది కాదు. అంచేత పాకిస్తాన్‌ని గొప్పగా వలలో వేసుకుంటున్నది- చీనా అమెరికాలది ఈ ప్రాంతంలో ఆధిపత్యపు పోరు. చీనాకి దురాక్రమణ కండూతి ఎక్కువే. దక్షిణ ఆసియాలో ఒక గట్టి సైనిక స్థావరం ఏర్పాటుకు పాకిస్తాన్‌ను శ్రీలంకల్ని ఎలా వాడుకోవాలో బీజింగ్‌కి గొప్పగా తెలుసు. ఇస్లామాబాద్ ఒక రకంగా ఇవాళ పెంచి పోషించిన ముస్లిం ఉగ్రవాదుల చేతిలో ఒకప్రక్క తనను అంటే పాక్ గవర్నమెంటుని నిలబెడుతున్న పాక్ మిలటరీని త్రోసిరాజనలేని దుస్థితిలో వుంది. అదే చైనాకి కావాలి. అన్యమత వ్యతిరేకతని కూడా అమెరికా నిన్నటి మొట్టికాయలతో చేర్చి మరి రెండు వడ్డించింది. అమెరికా డాలర్లతో గేమ్ ఆడగలదు- చైనాకి తన మనుషుల్ని దింపడం కన్నా సరుకుల్ని దింపి మార్కెట్‌ని స్వాహా చెయ్యడం అలవాటు- అక్కడెక్కడో వున్నా అమెరికాకి చీనా ఐసోరు. ఇవాళ తన దేవుడి బొమ్మల్ని కూడా చీనా తెచ్చిస్తే పండగల్లో అమ్మేసుకుంటూ వుంటే నిరోధించలేక అలమటిస్తున్న ఇండియా అమెరికా పాకిస్తానుల ఈ వైరం చూసి భ్రమించే ప్రమాదంలో కాని- ఇదేదో తన దౌత్యనీతికి వాగ్ధాటికి లభించిన ఫలితం అనుకోకూడదు. ఉగ్రవాదంమీద అమెరికా ప్రయోగించిన ఒక ఎత్తుగడగానే స్వీకరించాలి లేదా, అత్తమీద కోపం దుత్తమీద అన్నట్లు కాశ్మీర్‌లో పాకిస్తాన్‌ను ఏదో అల్లరి చేస్తుంది. వున్నదానికి అదనంగా నిస్పృహ చెందిన పాక్.. జాగ్రత్త..
బెట్టర్, మేక్ నో కామెంట్ అండ్ వాచ్!