కనకదుర్గాలయంలో అన్నమయ్య కీర్తనలు

అనకాపల్లి(నెహ్రూచౌక్), నవంబర్ 22: స్థానిక సత్యనారాయణపురం కళ్యాణగిరిపై వేంచేసియున్న కనకదుర్గమ్మ ఆలయంలో మంగళవారం తిరుమల తిరుపతి దేవస్థానంలో ఆధ్వర్యంలో శ్రీ అన్నమాచార్య ప్రాజెక్టు కళాకారులచే అన్నమయ్య కీర్తనలు, శ్రీ వేంకటేశ్వర స్వామి వైభవం సమర సతా సేవా ఫౌండేషన్ మండల ధర్మప్రచారంలో భాగంగా నిర్వహించారు. ఈ కార్యక్రమంలో ఆలయ కమిటీ చైర్మన్ కోరుకొండ సాంబశివరావు, వ్యవస్థాపకులు బోయిన నాగేశ్వరరావు, కోశాధికారి రాయపురెడ్డి రామచంద్రరావు, అన్నదానం ట్రస్టు కన్వీనర్ లక్కరాజు అప్పారావు, మహిళా కమిటీ బోయిన విజయలక్ష్మి, రామలక్ష్మి, పడమటమ్మ, మహిళా బృందం, ఆలయ ప్రధాన అర్చకులు రేజేటి ధర్మాచార్యులు పాల్గొన్నారు.