కర్నూలు, సెప్టెంబర్ 23: రూ.కోటిన్నర అక్రమాస్తులు కూడబెట్టిన కర్నూలు జిల్లా ఓర్వకల్లు తహసీల్దార్ కార్యాలయంలో సీనియర్ అసిస్టెంట్‌గా పనిచేస్తున్న ఎన్.సంజీవరెడ్డిని ఏసీబీ అధికారులు అదుపులోకి తీసుకున్నారు. అందిన ఫిర్యాదు మేరకు ఏసీబీ డీఎస్పీ నాగభూషణం సిబ్బందితో సోమవారం ఆయన ఇంట్లో సోదాలు నిర్వహించారు. పలు డాక్యుమెంట్లు, 400 గ్రాముల బంగారం ఆభరణాలు, రూ. 1.5 లక్షల నగదు స్వాధీనం చేసుకున్నారు.

న్యూఢిల్లీ: కర్నాటక అసెంబ్లీకి చెందిన 17 మంది ఎమ్మెల్యేలను స్పీకర్ అనర్హులుగా ప్రకటించినంత మాత్రాన వారికి రానున్న ఉపఎన్నికల్లో పోటీ చేసే హక్కు కాదని ఎన్నికల కమిషన్ సోమవారం సుప్రీంకోర్టుకు స్పష్టం చేసింది. రాష్ట్రంలో 15 నియోజకవర్గాల్లో ఉపఎన్నికలు జరుగనున్న దృష్ట్యా అనర్హ ఎమ్మెల్యేలకు పోటీ చేసే అవకాశం లేదా అన్న అంశం రాజకీయ దుమారం రేపుతున్న నేపథ్యంలో సీఈసీ సుప్రీంకోర్టుకు ఈ వివరణ ఇచ్చింది.

తుంగతుర్తి, సెప్టెంబర్ 22: పలు సమస్యలతో సతమతమవ్వడమే కాకుండా సమాజంలో పరువుపోతోందనే ఆవేదనతో పోలీస్ శాఖలో పనిచేస్తున్న హోంగార్డు తన భార్యా పిల్లలతో సహా అదృశ్యమైన సంఘటన సూర్యాపేట జిల్లా తుంగతుర్తి మండలకేంద్రంలో ఆదివారం వెలుగుచూసింది. సంచలనం కలిగించిన ఈ ఉదంతాన్ని ఛేదించేందుకు పోలీసుశాఖ రంగంలోకి దిగింది.

కూచిపూడి, సెప్టెంబర్ 22: వరుస దొంగతనాలతో మొవ్వ మండలంలోని పలు గ్రామాల ప్రజలు కంటిమీద కునుకులేకుండా తీవ్ర ఆందోళనకు గురవుతున్నారు. ఈ నెలలో మంత్రిపాలెం, పెదపూడి గ్రామాలలో జరిగిన దొంగతనాల చేదు అనుభవాలు మది నుండి తప్పపోకముందే ఆదివారం పెడసనగల్లు గ్రామంలో భారీ దొంగతనం జరగటంతో ప్రజలు జీర్ణించుకోలేకపోతున్నారు. పోలీసు శాఖ వైఫల్యంగా పలువురు విమర్శిస్తున్నారు.