గుమ్మఘట్ట, మార్చి 5 : మండలంలోని రంగసముద్రం గ్రామ సమీపంలో మంగళవారం ఆటో ఢీకొనడంతో ఆర్.కొత్తపల్లికి చెందిన మాల మారెప్ప(52) మృతి చెందాడు. ఏఎస్సై ప్రసాద్ తెలిపిన వివరాల మేరకు మారెప్ప కొత్తపల్లి నుంచి ద్విచక్రవాహనంలో రంగ సముద్రం వస్తుండగా మార్గమధ్యంలో కర్నాటక నుంచి లగేజీ ఆటో టాటా ఎస్‌డీ ఢీకొంది. దీంతో మారెప్ప అక్కడిక్కడే మృతి చెందాడు. ఈమేరకు కేసు దర్యాప్తు చేస్తున్నట్లు తెలిపారు.

బుక్కరాయసముద్రం, మార్చి 5: బుక్కరాయసముద్రం మండలం సిద్దరాంపురం గ్రామ శివార్లలలో ఒక గుర్తుతెలియని వ్యక్తి చెట్టుకు ఉరి వేసుకొని వేలాడుతున్నట్లు మంగళవారం స్థానికుల నుండి బుక్కరాయసముద్రం పోలీస్ స్టేషన్‌కు సమాచారం రావడంతో విషయం తెలిసిన వెంటనే పోలీసులు సంఘటన స్థలం చేరుకొని మృతుని గురించి వివరాలను ఆరా తీసారు. పోలీసులు తెలిపిన ప్రకారం వివరాలిలా వున్నాయి .

న్యూఢిల్లీ, మార్చి 4: యోగా గురు రామ్‌దేవ్‌పై చౌకబారు ఆరోపణలు చేస్తూ ఉన్న వీడియో లింక్‌లను తక్షణం తొలగించాలని ఢిల్లీ హైకోర్టు ఫేస్‌బుక్ యాజమాన్యాన్ని ఆదేశించింది. రామ్‌దేవ్‌తోపాటు ఆయన ఆధ్వర్యంలో నడుస్తున్న పతంజలి ఆయుర్వేద లిమిటెడ్‌పై వివిధ అంశాలతో కూడిన పనికిమాలిన, చౌకబారు ఆరోపణలు, బెదిరింపులతో కూడిన వీడియోలను వెంటనే గూగుల్, యూట్యూబ్‌ల నుంచి తొలగించాలని కోర్టు ఆదేశించింది.

హైదరాబాద్, మార్చి 4: ప్రేమోన్మాది దాడిలో తీవ్రంగా గాయపడిన రవళి (22) సికింద్రాబాద్‌లోని యశోద ఆసుపత్రిలో చికిత్స పొందుతూ సోమవారం మృతి చెందింది. వరంగల్ నగరంలో గత బుధవారం ఉదయం రవళి హాస్టల్ నుంచి స్నేహితులతో కలిసి కళాశాలకు వెళ్తుండగా అదే కాలేజీకి చెందిన బీకాం ఫైనలియర్ చదువుతున్న పెండ్యాల సాయి అనే్వష్ అడ్డుకుని, రెచ్చిపోయి అందరూ చూస్తుండగానే నడిరోడ్డుపై ఆమెపై పెట్రోలు పోసి నిప్పంటించాడు.