‘బాహుబలి’ తొలి చిత్రం విడుదలైనప్పటినుండీ రెండవ చిత్రం కోసం ప్రేక్షకులు ఎదురుచూస్తున్నారు. తెలుగు సినిమా స్థాయిని ప్రపంచానికి పరిచయం చేసిన బాహుబలి రెండో సినిమాను ప్రారంభించి దాదాపు మూడేళ్లు దాటింది. హీరోగా నటిస్తున్న ప్రభాస్, రాణాలు ఇద్దరూ ఈ చిత్రంతోనే మమేకమై సాగుతున్నారు. ఇన్నాళ్లకు రాణాకు బాహుబలి చిత్రంలో బాహుబలి చిత్రానికి సంబంధించిన పేకప్ చెప్పారు.

శ్రీ సత్యసాయి ఆర్ట్స్ పతకంపై నవీన్ చంద్ర, శృతి సోది జంటగా ఇ.సత్తిబాబు దర్శకత్వంలో కె.కె.రాధామోహన్ రూపొందిస్తున్న తాజా చిత్రానికి ‘మీలో ఎవరు కోటీశ్వరుడు’ అన్న పేరును ఖరారు చేశారు. ఈ సందర్భంగా నిర్మాత మాట్లాడుతూ, రెండు పాటలు మినహా సినిమా షూటింగ్ పూర్తయిందని, ఒక పాటను ఈనెలలోనే అరకులో చిత్రీకరించడానికి సన్నాహాలు జరుపుతున్నామన్నారు.

‘నా వెనుక అభిమానులున్నారు. ఇన్నాళ్లు నా విజయం కోసం ఆగారు. వారు తలెత్తుకునేలా చేసిన ‘జనతా గ్యారేజ్’ చిత్రాన్ని రూపొందించిన దర్శక నిర్మాతలకు రుణపడి వుంటాను’ అని ఎన్టీఆర్ తెలిపారు. మైత్రీ మూవీ మేకర్స్ పతాకంపై కొరటాల శివ దర్శకత్వంలో ఎన్టీఆర్, సమంత, నిత్యామీనన్ ప్రధాన తారాగణంగా ఎర్నేని నవీన్, ఎలమంచిలి రవిశంకర్, సి.వి.రాంమోహన్ సంయుక్తంగా రూపొందించిన ‘జనతా గ్యారేజ్’ విడుదలైన సంగతి తెలిసిందే.

అభి, వరుణ్, ఫణి, సందీప్తి ప్రధాన పాత్రధారులుగా శ్రీలక్ష్మీ నరసింహ సినిమా పతాకంపై నరసింహనంది దర్శకత్వంలో బూచేపల్లి తిరుపతిరెడ్డి రూపొందిస్తున్న చిత్రం ‘బుడ్డారెడ్డిపల్లి బ్రేకింగ్ న్యూస్’. ఈ చిత్రానికి సంబంధించిన ఫస్ట్‌లుక్‌ను హైదరాబాద్ ఫిలిం చాంబర్ హాల్‌లో ఎం.పి. వై.వి.సుబ్బారెడ్డి బుధవారం ఆవిష్కరించారు.