న్యూఢిల్లీ, మార్చి 11:పర్యావరణ సమతూకాన్ని పరిరక్షించడంతో పాటు వాతావరణ కాలుష్యాన్నీ నివారించాలన్న భారత ఆశయానికి అంతర్జాతీయ గుర్తింపు లభించింది. అన్ని దేశాల భాగస్వామ్యంతోనే పుడమిని కాపాడుకోగలుగుతామన్న అభిమతానికి గుర్తింపుగా ఒపెక్ తరహాలో భారత్, ఫ్రాన్స్ సహా 42 దేశాలతో అంతర్జాతీయ సౌర కూటమి (ఐఎస్‌ఏ) ఆవిర్భవించింది.

బీజింగ్, మార్చి 11: ఇంతవరకూ ఏ అధ్యక్షుడూ సాధించని చారిత్రక ఘనతను చైనా అధ్యక్షుడు జీ జిన్‌పింగ్ కైవసం చేసుకున్నారు. ఇప్పటి వరకూ అధ్యక్ష పదవిలో రెండుసార్లు మాత్రమే ఎన్నికయ్యే అవకాశం ఒక వ్యక్తికి ఉండేది. కానీ, జీ జిన్‌పింగ్ ఇప్పుడు చైనాకు జీవితకాల అధ్యక్షులైపోయారు. ఇందుకు సంబంధించి రెండు టెర్మ్‌ల పరిమితిని తొలగిస్తూ చైనా పార్లమెంట్ కీలక నిర్ణయం తీసుకుంది.

బెంగళూరు: దేశంలో ఓటర్ గుర్తింపు కార్డులకు 32 కోట్ల ఆధార్ నంబర్లు అనుంధానం అయినట్టు చీఫ్ ఎలక్షన్ కమిషనర్ ఓపీ రావత్ శనివారం ఇక్కడ వెల్లడించారు. ‘ఇప్పటికి 32 కోట్ల ఆధార్ నంబర్లు ఓటర్ ఐడీకి లింక్ అయ్యాయి. సుప్రీం కోర్టు ఆదేశాల ప్రకారం త్వరలోనే 54.5 కోట్ల నంబర్లు అనుసంధానం పూర్తవుతుంది’ అని ఆయన స్పష్టం చేశారు.

ముంబయి, మార్చి 10: రాఫెల్ కొనుగోలు ఒప్పందాలపై కాంగ్రెస్ చేస్తున్న ఆరోపణలు బాధ్యతారాహిత్యం, జాతీయవాదానికి వ్యతిరేకంగా ఉన్నాయని కేంద్ర మంత్రి నితిన్ గడ్కరీ తీవ్రంగా స్పందించారు. రాఫెల్ యుద్ధ విమానాల కొనుగోలుకు 7.5 బిలియన్ యూరోలతో ఫ్రాన్స్‌తో కుదుర్చుకున్న ఒప్పందంలో భారీ కుంభకోణం చోటుచేసుకుందంటూ ఎన్డీయేపై దాడికి దిగిన కాంగ్రెస్‌పై తీవ్ర అసహనం వ్యక్తం చేశారు.