పెరిగిన డిఎల్ఎఫ్ రుణ భారం
Published Tuesday, 13 December 2016న్యూఢిల్లీ, డిసెంబర్ 12: నిర్మాణ రంగ దిగ్గజం డిఎల్ఎఫ్ నికర రుణ భారం ఈ ఆర్థిక సంవత్సరం (2016-17) రెండో త్రైమాసికం (జూలై-సెప్టెంబర్)తో ముగిసిన ఏడాదిలో 1,021 కోట్ల రూపాయలు పెరిగింది. గత ఆర్థిక సంవత్సరం (2015-16) జూలై-సెప్టెంబర్ నాటికి 22,120 కోట్ల రూపాయలుగా ఉన్న డిఎల్ఎఫ్ రుణాలు.. ఈ జూలై-సెప్టెంబర్ ముగిసే నాటికి 23,141 కోట్ల రూపాయలకు చేరాయి. కాగా, రెంటల్ విభాగం డిఎల్ఎఫ్ సైబర్ సిటీ డెవలపర్స్ లిమిటెడ్లో 40 శాతం వాటాను డిఎల్ఎఫ్ ప్రమోటర్లు అమ్మేస్తున్నారు. మిగతా 60 శాతం వాటా వాణిజ్య ఆస్తుల రూపంలో ఉంది.