కడప రచన సాహిత్య వేదిక 1982 నుండి రాష్ట్ర స్థాయిలో బహూకరిస్తూ వస్తున్న మహాకవి గడియారం వేంకట శేషశాస్ర్తీ అవార్డు ఎంపికకై 2012 నుండి ప్రథమ ముద్రణ పొందిన పద్య కావ్యాలను ఆహ్వానించడమైనది. కావ్యం ఒకే కవికృతమై వుండాలి. ఖండ కావ్యాలు పంపవచ్చు. ఈ అవార్డు క్రింద ఎంపికైన కావ్యానికి రూ.5,000/- నగదు, అవార్డు, ప్రశంసాపత్రం అందజేయబడుతుంది.

అతిదూర విభిన్న కాలాలకు చెందిన ప్రక్రమాలు (processes) ఒకే కాలంలో కలిసి ఉండడం అనేది భారతదేశంలోనే జరుగుతుంది. మరెక్కడైనా జరుగుతుందో లేదో ఇప్పటికిప్పుడే తెలియదు. మన తెలుగు నేలలో నెల్లూరు జిల్లాలో శ్రీహరికోటలో అంతర్జాతీయ ప్రసిద్ధి పొందిన రాకెట్ కేంద్రం ఉంది. ఇక్కడినుండి ఎన్నో ఉపగ్రహాలను సుదూర అంతరిక్షంలోనికి ప్రవేశపెడతారు. ఇది ప్రపంచంలోనే అత్యంత ఆధునిక శాస్త్ర సాంకేతిక విజ్ఞానానికి ప్రతినిధి.

ఆమె గొడుగు కోసుకురమ్మంది
అవును మరి
అది ప్రణయ రుతువులో విచ్చుకునే పువ్వు
పై చినుకులేవీ మీద పడకుండా
లోపల కురిసే చినుకుల్ని మాత్రమే
మనకు వినిపించే వేణువు

పూవు నేల రాలినప్పుడు
పరిమళం గాయపడటం చూశావా!

కాల్లో విరిగిన తుమ్మ ముల్లు
సలపరించడాన్ని భరించావా!

గాలి కూడా వౌనంగా
మనసుల్ని దాటిపోవడం విన్నావా!

కొడవలిని చూసి ఉలిక్కిపడ్డ
కంకి బెదురు చూపులు కన్నావా!

శిథిలమైన దుఃఖపు శిలాజాల
కాలాన్ని గుర్తించగలిగావా!

దిగులు బరువుతో
మనశ్శయ్య కుంగడం గమనించావా!