న్యూఢిల్లీ, నవంబర్ 22: పెద్దనోట్ల రద్దు వంటి విధాన నిర్ణయాన్ని ప్రధాని నరేంద్ర మోదీ పార్లమెంటులో కాకుండా వెలుపల ప్రకటించవచ్చా అన్నదానిపై సిపిఎం పార్టీ న్యాయ నిపుణులను సంప్రదిస్తోంది. పార్లమెంటులో కాకుండా సభ వెలుపల ఇలాంటి ప్రకటన చేయడాన్ని పార్టీ తప్పుపడుతోంది. ‘సభ వెలుపల విధాన నిర్ణయం ప్రకటిస్తే దానిపై తరువాత ఉభయ సభల్లో ప్రధాని ప్రకటన చేయాల్సి ఉంటుంది.

న్యూఢిల్లీ, నవంబర్ 22: పార్లమెంటు శీతాకాల సమావేశాల ఐదో రోజు మంగళవారం కూడా ఉభయ సభలు సాగలేదు. పెద్ద నోట్ల రద్దు అనంతరం తలెత్తిన ప్రజా సమస్యలపై తామిచ్చిన వాయిదా తీర్మానాన్ని చర్చకు చేపట్టాలని లోక్‌సభలో విపక్షాలు పట్టుబట్టాయి. బహిరంగ సభలు, ఎన్నికల సభల్లో పెద్దనోట్ల రద్దు గురించి ఉపన్యాసాలిస్తున్న ప్రధాని నరేంద్ర మోదీ రాజ్యసభకు హాజరు కాలేరా? అంటూ రాజ్యసభలో విపక్షాలు నిలదీశాయి.

విజయవాడ, నవంబర్ 22: మైనింగ్ కోసం లీజుకు తీసుకున్న క్వారీలను వేరొకరికి బదిలీ చేయడాన్ని రద్దు చేస్తూ ముఖ్యమంత్రి చంద్రబాబు కీలక నిర్ణయం తీసుకున్నారు. మైనింగ్ బదిలీల్లో జరుగుతున్న అక్రమాలకు చెక్ పెట్టాలని భావించిన సిఎం, అనుబంధ పరిశ్రమలకు ఉన్న క్వారీలను మాత్రమే బదలాయించేందుకు అనుమతివ్వాలని అధికారులను ఆదేశించారు. ప్రస్తుతం 20 ఏళ్లుగా ఉన్న లీజు కాలాన్ని 30 ఏళ్లకు పెంచాలని సూచించారు.

న్యూఢిల్లీ, నవంబరు 22: ప్రభుత్వ పాఠశాలలు మూతపడకుండా కాపాడలేరా? వాటిని కాపాడాల్సిన బాధ్యత సర్కారుది కాదా? విద్యా హక్కు చట్టాన్ని ఎందుకు అమలు చెయ్యరు? అంటూ సుప్రీంకోర్టు తెలుగు రాష్ట్రాల ప్రభుత్వాలను నిలదీసింది. రెండు తెలుగు రాష్ట్రాల్లోని ప్రభుత్వ పాఠశాలల్లో ఉపాధ్యాయుల కొరత, వౌలిక సదుపాయాల లేమిపై వేర్వేరుగా దాఖలైన పిటిషన్లను మంగళవారం సుప్రీం కోర్టు విచారించింది.