ఏటూరునాగారం, సెప్టెంబర్ 27: ఎగువ ప్రాంతాల వరద నీటితో ఉప్పొంగిన గోదావరి మంగళవారం సాయంత్రానికి తగ్గుముఖం పట్టింది. ఎడతెరిపి లేకుండా కురుస్తున్న వర్షాలకు ప్రాజెక్టులు నిండడంతో దిగువ ప్రాంతాలకు నీటిని విడుదల చేయడంతో సోమవారం గోదావరి ఉద్ధృతంగా ప్రవహించింది. దీంతో అధికారులు, ప్రజాప్రతినిధులు అప్రమత్తమై లోతట్టు ప్రాంతాల ప్రజలను సురక్షిత ప్రాంతాలకు తరలించి నివాస, భోజన, వైద్య సదుపాయాలను ఏర్పాటు చేశారు.

వరంగల్, సెప్టెంబర్ 27: కొండా లక్ష్మణ్ బాపూజీ ఆశయాలను ప్రభుత్వం కొనసాగిస్తుందని డిప్యూటీ సిఎం కడియం శ్రీహరి తెలిపారు. కొండా లక్ష్మణ్ బాపూజీ స్వశక్తితో ఎదిగి నమ్మిన సిద్దాంతానికి కట్టుబడిన వ్యక్తి అని, బడుగు, బలహీన వర్గాల అభ్యున్నతికి పోరాడిన గొప్ప వ్యక్తి అని, ఆయన సిద్దాంతాలను ప్రభుత్వం ముందుకు తీసుకుపోతుందన్నారు.

ఏటూరునాగారం, సెప్టెంబర్ 27: వైద్య సౌకర్యం అందక ఓ గొత్తికోయ మహిళ చెట్టు కిందనే కవలలను ప్రసవించిన సంఘటన మంగళవారం వెలుగుచూసింది. వివరాలిలా ఉన్నాయ. ఏటూరునాగారం మండలంలోని శివాపురం పంచాయతీపరిధిలోని లింగాపురం గొత్తికోయగూడెంకు చెందిన మడవి పోసి పురిటినొప్పులతో బాధపడుతుండగా 108కు సమాచారం అందించారు.

వరంగల్, సెప్టెంబర్ 27: భారీవర్షాలతో పంటలు నష్టపోయిన రైతులకు పరిహారం లభించేలా జిల్లాయంత్రాంగం చర్యలు తీసుకోవాలని పలువురు జడ్పీటిసిలు, ఎంపిపిలు జిల్లాయంత్రాంగాన్ని కోరారు. వారం రోజుల కిందట వరకు సరిగా వర్షాలు కురియక కొన్ని ప్రాంతాల్లో పంటలు దెబ్బతింటే, ఇప్పుడు భారీవర్షాల కారణంగా జిల్లాలోని చాలా ప్రాంతాల్లో పంటలు నీటమునిగి రైతులు నష్టపోయారని సభ్యులు సమావేశం దృష్టికి తీసుకువచ్చారు.