ద్వారకాతిరుమల, సెప్టెంబర్ 27: రాష్ట్రంలోని 50 దేవాలయాల్లో ఆన్‌లైన్ ద్వారా భక్తులకు సేవలందించేందుకు అన్ని చర్యలు తీసుకుంటున్నట్టు రాష్ట్ర దేవాదాయ శాఖ కమిషనర్ వైవి అనూరాధ తెలిపారు. ద్వారకాతిరుమల మాధవ కల్యాణ మండపంలో నిర్వహించిన అసిస్టెంట్ కుక్ భర్తీల నిమిత్తం విచ్చేసిన ఆమె విలేకర్లతో మాట్లాడారు.

పోలవరం, సెప్టెంబర్ 27: గోదావరి నదిలోకి వరద నీరు భారీగా చేరడంతో మంగళవారం ఉదయం నుండి నీటి మట్టం పెరుగుతోంది. ఎగువ ప్రాంతాల్లోని ప్రాజెక్టులలో నుండి నీరు వదలడంతో గోదావరికి వరద పోటెత్తింది. పోలవరంలోని సిడబ్ల్యూసి కార్యాలయం వద్ద గోదావరి నీటి మట్టం 10.14 మీటర్లకు చేరింది. మంగళవారం ఉదయం నుండి సాయంత్రానికి సుమారు 2మీటర్ల నీటి మట్టం పెరిగినట్టు సిడబ్ల్యూసి అధికారులు తెలిపారు.

కామవరపుకోట, సెప్టెంబర్ 27 : ప్రజల ఆరోగ్యం పట్ల ముఖ్యమంత్రి నారా చంద్రబాబునాయుడు శ్రద్ధ చూపుతున్నారని, అందుకోసం కోట్లాది రూపాయలు ఖర్చు చేస్తున్నారని రాష్ట్ర గనులు, స్ర్తి శిశు సంక్షేమ శాఖ మంత్రి పీతల సుజాత చెప్పారు. కామవరపుకోట మండలం తడికలపూడిలో దోమలపై దండయాత్ర - పరిసరాల పరిశుభ్రతపై ఏర్పాటుచేసిన అవగాహనా ర్యాలీలో మంత్రి పీతల సుజాత పాల్గొన్నారు.

ఉంగుటూరు, సెప్టెంబర్ 27: జాతీయ రహదారిపై బాదంపూడి, ఉంగుటూరు గ్రామాల మధ్య నెల్లూరు వైపు వెళుతున్న కారు పూర్తిగా దగ్థమైన సంఘటన జాతీయ రహదారిపై వెళుతున్న వాహనదారులను భయభ్రాంతులకు గురిచేసింది. మంగళవారం మధ్యాహ్నం 3గంటల సమయంలో అనపర్తి నుండి నెల్లూరు వెళుతున్న స్కార్ప్యో బాదంపూడి దాటి నాచుగుంట వంతెనకు చేరుతున్న సమయంలో ఇంజన్ నుండి పొగలు ఒక్కసారిగా రావడంతో ఆ వాహనాన్ని ఆపేశారు.