........................................................

ఒలింపిక్స్‌లో పోటీపడిన అత్యంత పిన్న వయస్కుడిగా రికార్డు గ్రీక్ జిమ్నాస్ట్ దిమిత్రియస్ లాడ్రాస్ పేరుమీద ఉంది. 1896 ఒలింపిక్స్‌లో పాల్గొన్నప్పుడు ఈ చిచ్చరి పడుగు వయసు 10 సంవత్సరాల 218 రోజులు. ఎంతో మంది అనుభవజ్ఞులతో తీవ్రంగా పోటీపడిన అతను కాంస్య పతకాన్ని సాధించాడు. తర్వాతి కాలంలో అతను గ్రీక్ నావికాదళంలో చేరి, అడ్మిరల్ స్థాయికి చేరుకున్నాడు.

రియో డి జెనీరోలో తుపాకీ సంస్కృతి శ్రుతి మించుతున్నది. నగరం నడిబొడ్డున పోలీస్ బృందంపై డ్రగ్స్ మాఫియా విరుచుకుపడి కాల్పులు జరిపిన సంఘటన కలకలం రేపింది. ఒలింపిక్ క్రీడలు ప్రారంభం కావడానికి కొద్ది రోజుల ముందే డ్రగ్స్ మాఫియా ఏకంగా పోలీస్‌లపైనే కాల్పులకు తెగబడడం అధికారులకు, ఒలింపిక్ నిర్వాహకులకు ఆందోళన కలిగిస్తోంది. రియోలో దాదాపు ఏదో ఒక ప్రాంతంలో కాల్పుల మోత వినిపిస్తునే ఉంటుంది.

బాస్కెట్‌బాల్ అధికారికంగా మొట్టమొదటిసారి 1936 బెర్లిన్ ఒలింపిక్స్‌లో దర్శనమిచ్చింది. బంకమట్టి, ఇసుక కలిపి తయారు చేసిన అవుట్ డోర్ కోర్టులో మ్యాచ్‌లను ఆడించారు. మ్యాచ్‌లన్నీ సజావుగానే సాగినప్పటికీ, అమెరికా, కెనడా జట్ల మధ్య జరిగిన ఫైనల్ మాత్రం నానా కంగాళీగా మారింది. భారీ వర్షం కురవడంతో కోర్టు మొత్తం బురదమయంకాగా, బంతిని టాస్ చేయడానికి ఆటగాళ్లు నానా తంటాలు పడ్డారు.