ఖమ్మం(మామిళ్ళగూడెం), జూలై 17: రాష్ట్రంలోనే అత్యధిక మంది కార్మికులు కలిగి ఉన్న కార్పొరేషన్‌గా గుర్తింపు ఉన్న ఆర్టీసి కార్మిక గుర్తింపు సంఘ ఎన్నికలు రేపు జరగనున్నాయి. ఈ ఎన్నికల కోసం ఎన్నికల అధికారులు సర్వం సిద్ధం చేశారు. ఆదివారం వరకు ఖమ్మం రీజియన్‌లోని అన్ని ఆర్టీసి డిపోల్లో ఆయా సంఘాల నేతలు భారీ ప్రచారం నిర్వహించారు.

నేలకొండపల్లి, జూలై 17: హరితహరంలో భాగంగా ఆదివారం మొక్కలు నాటేందుకు రాష్ట్ర రోడ్డ్భువనాలశాఖ మంత్రి తుమ్మల నాగేశ్వరరావు నేలకొండపల్లిలోని బాలికల గురుకుల పాఠశాలకు విచ్చేస్తున్న సందర్భంగా అధికారులు విద్యార్థులతో స్వాగతం పలికించేందుకు ఎండలో గంటల తరబడి ఉంచారు. మంత్రి కార్యక్రమానికి ఆలస్యం కావటంతో విద్యార్థులు సుమారు రెండు గంటల పాటు ఎండలో వేచి ఉన్నారు.

కామేపల్లి, జూలై 17: ప్రతి ఇంటికి మరుగుదొడ్డి, ఇంటింటా మొక్కలు అందించాలని జిల్లా కలెక్టర్ లోకేష్‌కుమార్ లోకేష్‌కుమార్ అన్నారు. ఆదివారం మండల పరిధిలోని కొత్తలింగాల, తాళ్ళగూడెం గ్రామాలలో సామాజిక అటవీ శాఖ ఆధ్వర్యంలో నిర్వహిస్తున్న నర్సరీలను కలెక్టర్ లోకేష్‌కుమార్, ఐటిడిఏ పిఓ రాజీవ్‌గాంధీ హన్మంతు సంయుక్తంగా అకస్మికంగా సందర్శించారు.

బోనకల్, జూలై 17: భూస్వాములు, కాంట్రాక్టర్లు, ఫ్యాక్షనిస్టుల కోసమే టిఆర్‌ఎస్ ప్రభుత్వం పని చేస్తుందని, పేద ప్రజల సంక్షేమాన్ని కెసిఆర్ సర్కార్ గాలికి వదిలేసిందని టిపిసిసి వర్కింగ్ ప్రెసిడెంట్ మల్లు భట్టి విక్రమార్క విమర్శించారు. మండల పరిధిలోని రావినూతల గ్రామ సర్పంచ్ షేక్ వజీర్ నివాసరంలో ఆదివారం కాంగ్రెస్ పార్టీ కార్యకర్తల సమావేశం నిర్వహించారు.