వరంగల్, జూలై 4: రాష్ట్ర ప్రభుత్వం ప్రతిష్ఠాత్మకంగా చేపడుతున్న హరితహారం రెండో విడత కార్యక్రమాన్ని జిల్లాలో విజయవంతం చేయాలని కలెక్టర్ వాకాటి కరుణ అన్నారు. సోమవారం కలెక్టర్ సమావేశ మందిరంలో హరితహారంపై జిల్లా అధికారులతో సమావేశం నిర్వహించారు. ఈ సందర్భంగా కలెక్టర్ మాట్లాడుతూ గతేడాది హరితహారంలో జిల్లా ప్రథమ స్థానంలో నిలిచిందని, అదే స్ఫూర్తిని కొనసాగించాలన్నారు.

వరంగల్, జూలై 4: తెలంగాణ ఉద్యమంలో నాటి రైతాంగ సాయుధ పోరాట యోధుల పేర్లు చెప్పుకొని గద్దెనెక్కిన వారు, నాటి పోరాట యోధుల త్యాగాలను గుర్తించడం లేదని సిపిఐ జాతీయ ప్రధాన కార్యదర్శి సురవరం సుధాకర్‌రెడ్డి అన్నారు. సోమవారం వరంగల్ జిల్లా కడవెండిలో తెలంగాణ సాయుధ పోరాట తొలి అమరుడు కామ్రేడ్ దొడ్డి కొమురయ్య 70వ వర్ధంతి సభ జరిగింది.

వరంగల్, జూలై 4: తెలంగాణ ఆర్టీసీ నష్టాల్లో ఉంది. రోజుకు మూడు కోట్ల రూపాయల నష్టాల్లో నడుస్తుందని ఆర్టీసీ చైర్మన్ సోమారపు సత్యనారాయణ అన్నారు. సోమవారం వరంగల్ డిపో-1ను ఆయన సందర్శించారు. ఈ సందర్భంగా కార్మికులనుద్దేశించి ఆయన మాట్లాడుతూ తెలంగాణ ఆర్టీసీ నష్టాల్లో ఉన్నప్పటికీ ప్రభుత్వం అండగా ఉంటుందన్నారు. ఉద్యోగులు, కార్మికులు అంకితభావంతో పని చేసి ఆర్టీసీ బలోపేతం చేయాలన్నారు.

నిజామాబాద్, జూలై 4: బంగారు తెలంగాణకు బాటలు వేయాలనే సంకల్పంతో ప్రభుత్వం వేల కోట్ల రూపాయలతో ప్రతిష్టాత్మకంగా మిషన్ కాకతీయ అమలు చేస్తుండగా, క్షేత్ర స్థాయిలో అధికారుల పర్యవేక్షణ లోపంతో ప్రజాధనం పక్కదారి పడుతోంది. ఈ పథకం కింద అడిగిందే తడవుగా ప్రభుత్వం మంజూరీలు ఇస్తూ, పెద్ద ఎత్తున నిధులను కేటాయిస్తుండడంతో అక్రమార్కులు ఇదే అదనుగా భావిస్తూ అందిన మేరకు దోచుకుంటున్నారు.