రాజమహేంద్రవరం, ఏప్రిల్ 30: రెండంకెల వృద్ధి దిశగా పశుసంవర్థక శాఖ పయనిస్తోందని రాష్ట్ర పశుగణాభివృద్ధి సంస్థ ఛైర్మన్ యాళ్ల దొరబాబు అన్నారు. రాజమహేంద్రవరంలో శనివారం ప్రపంచ పశు వైద్య దినోత్సవం రాష్టస్థ్రాయి వేడుకగా నిర్వహించారు. కార్యక్రమంలో పాల్గొన్న దొరబాబు మాట్లాడుతూ పాడి ఉత్పత్తిలో రాష్ట్రం ఆరవ స్థానంలోను, మాంసం ఉత్పత్తిలో నాల్గవ స్థానంలోను, కోళ్ల ఉత్పత్తిలో రెండవ స్థానంలో ఉందన్నారు.

చిన్నమండెం, ఏప్రిల్ 30: చిన్నమండెం మండలంలోని వండాడి గ్రామ పంచాయతీలోని యర్రగుట్టవాండ్లపల్లెలో విద్యుదాఘాతానికి ఆరు ఇండ్లు దగ్ధమై రూ.4 లక్షలు నష్టం వచ్చినట్లు ఆర్‌ఐ స్రవంతి తెలిపారు. కరెంటు ఇండ్లపై వెళ్తున్నందున షార్ట్‌సర్క్యూట్ తగిలి రేకులకుంట మనోహర, ఈశ్వరయ్య, గంగులమ్మ, సుధాకర, గంగయ్య, శ్రీరాములులకు చెందిన ఆరు ఇండ్లతో పాటు చిన్నపరెడ్డికి చెందిన గడ్డివాము కాలిపోయినట్లు ఆమె తెలిపారు.

విశాఖపట్నం, ఏప్రిల్ 30: విశాఖ కేంద్రంగా అంతర్జాతీయ హెల్త్ టూరిజం అభివృద్ధి చెందుతుందని, అందుకు అవసరమైన వౌలిక సదుపాయాలను ప్రభుత్వం కల్పిస్తుందని ముఖ్యమంత్రి చంద్రబాబునాయుడు అన్నారు. విశాఖ హెల్త్‌సిటీలో అపోలో గ్రూప్ రూ.150 కోట్ల వ్యయంతో నిర్మించిన 250 పడకల ఆసుపత్రిని శనివారం ఆయన ప్రారంభించారు.

కడప,ఏప్రిల్ 30: జిల్లాలో పెండింగ్‌లో ఉన్న ఎస్సీ,ఎస్టీల సమస్యలను త్వరితగతిన పరిష్కరించేందుకు చర్యలు తీసుకోవాలని సంబంధిత అధికారులను జిల్లా కలెక్టర్ కెవి రమణ ఆదేశించారు. శనివారం స్థానిక సభాభవన్‌లో జిల్లా కలెక్టర్ అధ్యక్షతన జిల్లాస్థాయి విజిలెన్స్ అండ్ మానిటరింగ్ కమిటీ సమావేశం జరిగింది. ఈ సమావేశంలో తొలుత జనవరి 30-2016వ తేదిన జరిగిన గత మాసంలో చర్చించిన అంశాలపై తీసుకున్న చర్యలను సమీక్షించారు.