ఈ అగ్నిని గెలవడమెలాగో?!

ప్రాకృతమూలం
హూం తపసి అస్స జాఆ ఆ ఉచ్ఛణజీ అధారణరహస్సమ్
పుచ్ఛంతీ భమఇ ఘరంఘరేణ పి అవిరహస హిరీఓ!! (సింహుడు)

సంస్కృత ఛాయ
భవిష్యత్ పథికస్య జాయా ఆపృచ్ఛన జీవధారణ రహస్యం
పృచ్ఛంతీ భ్రమతి గృహం గృహేణ ప్రియవిరహసహనశీలాః
తెలుగు
తే.గీ పతి విదేశంబునకు నేగు భయదవేళ
ప్రాణ రక్షారహస్యమ్ము పడతి తెలయ
నిబిడ విరహాగ్నులను గెల్చినిల్చినట్టి
తరుణుల కొరకు నిల్లిల్లు తిరుగుచుండె
వివరణ
తన పతి త్వరలో దూరదేశానికి వెళుతున్నాడని తెలిసింది. వీడ్కోలు సమయంలో ప్రాణాలు నిల్పుకునే రహస్యాన్ని తెలుసుకోవడానికి గతంలో విరహాగ్నిని ఓర్చుకొని బ్రతికిన వనితల కోసం ఇల్లిల్లూ గాలిస్తూ తిరుగుతోంది ఒక పతి ప్రేమానురక్తయైన సతి.
ఎంత చదువుకున్నా అనుభవజ్ఞానముంటే కాని నేటి కంపెనీలు పనిని ఇవ్వలేవు. అంటేఅనుభవజ్ఞానం అవసరం అని కంపెనీలు చెబుతున్నాయ. ఇది మంచిదే కేవలం అనుభవం కోసం ఉద్యోగార్థులు కొన్ని కంపెనీల్లో జీతంలేకుండా పనిచేస్తారు. బాగుంది.
కాని ఇక్కడ దాంపత్యమనే బంధం అదే ఉద్యోగమనుకొంటే ఇక్కడ ఎవరి అనుభవం వారిదే. కొత్తవారైనా పాతవారైనా సందర్భానికి తగ్గట్టు అల్లుకుపోవడమే. కాని అనుభవమున్న వారి మాటలు వినవచ్చు కాని అదే పనిగా పెట్టుకుని అనుభవమున్న వారి సుభాషితాలకోసం పరుగులు పెట్టకూడదు. అంటే ఎక్కడ ఎలా మసలాలో అట్లానే చరించాలి. అంతేకాని పిడుగుకూ పెళ్లికి ఒకే మంత్రం చదవకూడదు.
ఈ అమాయకురాలైన భార్య తన భర్తదూరదేశం వెళ్తున్నాడని అతని విరహాన్ని తట్టుకోలేనని అనుకుంటూ ఇంతకుముందే విరహాగ్నిలో మగ్గి పోయన వనితల కోసం అనే్వషణ మొదలుపెట్టింది.
కాని, ఇది ఆనాడు కాని, ఈనాడు కాని ఏ యువతికీ మంచిపని అయతే కాదు. కొరివితో తలగోక్కోవడం లాంటి వ్యవహారం ఎదురవవచ్చు.
ఈ గాథాకారుడు ఇలాంటి అమా యకులైన స్ర్తిలు సందర్భోచితంగా ప్రవర్తించాలి కాని ఎవరి ఓదార్పు మాట లకో పోకూడదనే నిజాన్ని నర్మగర్భంగా చెబుతున్నాడు. - ఇంకావుంది..