ఔషధ గుణాల తమలపాకులు

భారతీయ సాంప్రదాయం, సంస్కృతిలో తమలపాకులకు ఎంతో విలువ, విశిష్ట స్థానం ఉన్నాయి. ప్రతి శుభకార్యానికి తమలపాకులు ఉండవలసిందే. ఆయుర్వేద వైద్యంలో కూడా తమలపాకులు వాడతారు. వీటిలో విటమిన్ ఎ, బి కాల్షియం, కెరోటిన్, ఆరోమాటిక్ తైలాలు ఉంటాయి.
* బ్రాంకైటిస్, ఆస్త్మా, శ్వాసకోశ వ్యాధులకు నివారణ కలిగిస్తుంది. రక్తవృద్ధిని కలిగిస్తాయి.
* తమలపాకుల్లో వున్న క్లోరోఫిన్ నోటి పూతకు ఉపశమనాన్ని కలుగజేస్తుంది. దంతక్షయాన్ని నివారిస్తుంది తాంబూలం.
* దీని తీగను ఎండబెట్టి, పొడి చేసి ఆ పొడిలో తేనెను కలిపి తీసుకుంటే కంఠం ఎంతో శ్రావ్యంగా వుంటుంది.
* వెన్నను కాచిన నేతిలో తమలపాకును వేస్తే నెయ్యి సువాసనగా ఉండటమే కాక ఆ నెయ్యి వాసన రాకుండా నిలవ ఉంటుంది.
*బాలింతరాలు తమలపాకులు వేసుకుంటే ఎముకలు దృడపడతాయి.
* వీటి రసం, తేనె కలిపి పుచ్చుకుంటే కంఠస్వరం శ్రావ్యంగా మారుతుంది. జీర్ణశక్తి వృద్ధి చెందుతుంది. మలబద్ధకాన్ని నివారిస్తుంది.
* కణతలు, నుదురు నొప్పిగా ఉంటే తాజా తమలపాకులను నుదుటిమీద, కణతలమీద పెట్టుకుని, అవి వడిలిపోయేవరకూ ఉంచితే బాధకు నివారణ కలుగుతుంది.
* తమలపాకులకు ఆముదం పూసి, వెచ్చ చేసి సెగ్గడ్డలమీద పెట్టి కట్టుకడితే బాధ తగ్గిపోతుంది. దంతాల నొప్పిని తగ్గిస్తుంది.
* చంటి పిల్లలకు అజీర్తి చేసి, కడుపు ఉబ్బరం, కడుపు నొప్పితో ఏడుస్తుంటే తమలపాకులను వెచ్చచేసి పాపాయి పొట్టమీద పెడితే కడుపు మెత్తబడి సాఫీగా విరేచనం అవుతోంది.