మార్గళి గీతాలు

తిరుప్పావై మూలానికి తెలుగు
*
- ఆసూరి మరింగంటి శేషగిరాచార్య
8886976760
*
1. మీదు పెరటి తోటనగల
మిన్న దిగుడు బావిలోన
కెందామరలెల్ల విరిసె,
కందెనందు కలువపూలు.

2. తెలతెల్లని పలువరుసలు
గలిగినట్టి తాపసులును,
కావివస్తధ్రారణతో-
కోవెల మార్గము బట్టిరి

3. ‘కుంచెకోల’ తాళపు చెవి
గుత్తులతో గుడివైపుకు
అరగినారు అర్చకులట,
అర్చనాది విధులొనర్ప.

4. నేడు నీవె ముందు వచ్చి
నిదుర లేతానంటివి
మాకు నిన్న చెప్పినట్టి
మాట తప్పినావెందుకు?

5. భక్తియుక్త మధురమైన
భాషిణీ! పరిపూర్ణురాల!
బిడియపడక పడకగదిని
విడువలేకయుంటివింక.

6. శంఖ చక్రధారియు; మరి
నిఖల విశ్వవ్యాపియునగు;
పుండరీకనేత్రు వ్రతము
పులకించుచు జేయుదమిట

ఇంకా ఉంది