పైడితల్లి అమ్మవారికి విశేష పూజలు

విజయనగరం(పూల్‌బాగ్), జూలై 19: ఉత్తరాంధ్ర ప్రజల ఇలవేల్పు పైడితల్లి అమ్మవారి వనం గుడిలో మంగళవారం విశేష పూజలు నిర్వహించారు. ఈ సందర్భంగా ఆలయ అర్చకులు రవిప్రసాద్ అమ్మవారికి విశేష కుంకుమ పూజలు జరిపారు. అనంతరం అమ్మవారిని బత్తాయి పండ్లతో అలంకరించారు.చదురు గుడిలోని అమ్మవారిని ముఖరీ అరటి పండ్లతో అలంకరించి పూజలు జరిపారు.
చంఢీహోమం
చదురు గుడి ఆలయ ప్రాంగణంలో మంగళవారం చంఢీ హోమాన్ని అత్యంత భక్తిశ్రద్ధలతో నిర్వహించారు. వేద పండితుల మంత్రోచ్ఛారణల నడుమ హోమ కార్యక్రమాన్ని నిర్వహించారు. ఆలయ ప్రధాన పూజారి తాళ్లపూడి భాస్కరరావు, దూసి కృష్ణమూర్తి, ఆలయ సిబ్బంది పాల్గొన్నారు.