చెన్నై, జూన్ 3: కాంగ్రెస్ సీనియర్ నాయకుడు, మాజీ ప్రధాని రాజీవ్ గాంధీ హత్యకు సంబంధించిన కేసులో శిక్ష అనుభవిస్తున్న ఏడుగురిని విడుదల చేసేందుకు రాష్ట్ర మంత్రివర్గం తీసుకున్న నిర్ణయంపై రెండు వారాల్లోగా గవర్నర్ భన్వర్‌లాల్ పురోహిత్ ఆమోద ముద్ర వేస్తారని ఆశిస్తున్నామని తమిళనాడు ప్రభుత్వం సోమవారం మద్రాసు హైకోర్టుకు తెలిపింది.

న్యూఢిల్లీ, జూన్ 3: మనీ లాండరింగ్ కేసులో ఆరోపణలు ఎదుర్కొంటున్న రాబర్ట్ వాద్రాకు అమెరికా, నెదర్లాండ్ దేశాలకు వెళ్లేందుకు ఢిల్లీ హైకోర్టు సోమవారం అనుమతి ఇచ్చింది. కాంగ్రెస్ అధ్యక్షుడు రాహుల్ గాంధీ బావ అయిన వాద్రాకు ఈ మేరకు ఢిల్లీ హైకోర్టు ప్రత్యేక జడ్జి అరవింద్‌కుమార్ అనుమతిచ్చారు. అయితే, ఆయన ప్రయాణ వివరాలను మాత్రం కచ్చితంగా కోర్టుకు సమర్పించి తీరాలని స్పష్టం చేసింది.

విజయవాడ (క్రైం), జూన్ 3: పండిట్ నెహ్రూ బస్టేషన్ వద్ద పెద్ద ఎత్తున గంజాయి పట్టుబడింది. సమాచారం మేరకు కేరళ త్రివేండ్రంకు చెందిన హరికుమార్, కురుత్ అనే ఇద్దరు వ్యక్తులను పోలీసులు తమ అదుపులోకి తీసుకున్నారు. వీరిద్దరు తాము కొనుగోలు చేసిన గంజాయిని ప్రైవేటు బస్సులో తరలించేందుకు ప్రయత్నిస్తూ పట్టుబడ్డారు.

జీడిమెట్ల, జూన్ 3: గండిమైసమ్మ చౌరస్తాలో ఉన్న సౌత్ ఇండియన్ బ్యాంక్ ఏటీఎంలో దొంగలు చోరీకి ప్రయత్నించిన సంఘటన దుండిగల్ పోలీసు స్టేషన్ పరిధిలో జరిగింది. పోలీసుల కథనం ప్రకారం.. ప్రధాన రహదారిలో ఉన్న బ్యాంక్ ఏటీఎం షట్టర్స్‌ను గుర్తుతెలియని దుండగులు తొలగించే ప్రయత్నం చేశారని బ్యాంక్ అధికారులు ఇచ్చిన ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు పోలీసులు పేర్కొన్నారు.