హైదరాబాద్, మార్చి 25: ఆంధ్ర, తెలంగాణ రాష్ట్రాల్లో కనీస వేతన చట్టాలను అమలు చేయాలని కోరుతూ హైకోర్టులో రెండు వేర్వేరు పిల్‌లు దాఖలయ్యాయి. తెలంగాణ రీజనల్ ట్రేడ్ యూనియన్ కౌన్సిల్ కార్యదర్శి పి జీవన్ రావు, ఏపి స్టేట్ మల్టిపుల్ కాంట్రాక్టర్స్ లేబర్ యూనియర్ కార్యదర్శి ఎం శ్రీనివాసరావు ఈ పిల్స్‌ను దాఖలు చేశారు.

విజయనగరం, మార్చి 25: ప్రశాంతమైన విజయనగరంలో ఒక్కసారిగా తుపాకీ కాల్పులు చోటుచేసుకోవడం సంచలనమైంది. శనివారం అర్ధరాత్రి రియాల్టర్ నమ్మి అప్పలరాజుపై మరో రియల్టర్ బొత్స మోహన్ కాల్పులు జరిపాడు. వరుసగా ఆరు రౌండ్లు కాల్చడంతో అప్పలరాజు కిందపడిపోయాడు. ఇక్కడి ఎల్‌ఐసీ భవన్‌కు సమీపంలోని రియల్ ఎస్టేట్ కార్యాలయం వద్ద ఈ సంఘటన జరిగింది.

పాల్వంచ, మార్చి 25: ఒక ప్రైవేట్ బస్సులో గంజాయిని తరలిస్తున్న ఐదుగురు వ్యక్తులను, 30 కేజీల గంజాయిని ఆదివారం పాల్వంచ ఎక్సైజ్ అధికారులు పట్టుకున్నారు. ఇందుకు సంబంధించి వివరాలను ఎక్సైజ్ డిఎస్‌పి సి నర్సింహారెడ్డి సిఐ కార్యాలయంలో ఏర్పాటు చేసిన విలేఖరుల తెలిపారు. నిందితులను హాజరుపరిచి వివరాలను వెల్లడించారు.

తిరుపతి, మార్చి 25: పాతకాల్వ వద్ద ఉన్న వకుళా ఆలయం వద్ద ఉన్న నీటిగుంటలో శనివారం కనిపించకుండా పోయిన 7వ తరగతి విద్యార్థి మోహన్ శవమై ఆదివారం తేలాడు. ఈత కోసం వెళ్లి ప్రమాదవశాత్తు నీటిలో మునిగి మృతి చెంది ఉంటాడని పోలీసులు భావిస్తున్నారు. ఎస్‌ఐ రాజు, కానిస్టేబుల్ పురంధర్‌లు విద్యార్థి మృతదేహాన్ని వెలికి తీసి పోస్టుమార్టం నిమిత్తం రుయాకు తరలించారు.