ఎల్లారెడ్డిపేట, మార్చి 23: ఎల్లారెడ్డిపేట మండలం వెంకటాపూర్ బస్టాండు ప్రాంతంలో కామారెడ్డి, కరీంనగర్ ప్రధాన రహదారిపై ద్విచక్రవాహనాన్ని శుక్రవారం ఇసుక లారీ ఢీకొంది. ఈ సంఘటనలో పదిర గ్రామానికి చెందిన రైతు గోపన్నగారి లస్మయ్య(54) దుర్మరణం పాలయ్యాడు. అతని భార్య రేణుక తీవ్ర గాయాలకు గురైంది. ఆమె పరిస్థితి విషమంగా మారడంతో కరీంనగర్‌కు తీసుకెళ్లారు.

నందిపేట, మార్చి 24: నందిపేట శివార్లలోని పలుగుట్ట సమీపంలో విజయ్‌నగర్ వద్ద శనివారం నిజామాబాద్ నుండి ద్విచక్ర వాహనంపై వస్తున్న భార్యభర్తలపై అడవిపంది జరిపిన దాడిలో తీవ్ర గాయాలపాలయ్యారు. వివరాలు ఇలా ఉన్నాయి. నందిపేట మండలం కోమట్‌పల్లి గ్రామానికి చెందిన భార్యభర్తలు మగ్గిడి శేఖర్-వాణిలు బైక్‌పై శుక్రవారం నిజామాబాద్‌లోని తమ బంధువుల ఇంట్లో జరిగిన శుభకార్యంలో పాల్గొనేందుకు వెళ్లారు.

కాచిగూడ, మార్చి 24: బ్యాంకులు, ఏటీఎం వద్ద అమాయక ప్రజల దృష్టి మరల్చి వారి ఏటీఎం కార్డులను దొంగిలించి అందులోని డబ్బులను కాజేస్తున్న దొంగను కాచిగూడ పోలీసులు అరెస్ట్ చేసి రిమాండ్ తరలించిన సంఘటన కాచిగూడ పోలీస్‌స్టేషన్ పరిధిలో జరిగింది. వివరాలను ఈస్ట్‌జోన్ డీసీపీ ఎం.రమేష్ శనివారం కాచిగూడ పోలీస్‌స్టేషన్‌లో ఏర్పాటు చేసిన విలేఖరుల సమావేశంలో వెల్లడించారు.

సీలేరు, మార్చి 24: ఒడిశా-్ఛతీస్‌గఢ్ సరిహద్దుల్లో మావోయిస్టులు, పోలీసులకు ఎదురుకాల్పులు జరిగాయి. ఈ కాల్పుల్లో ఒక మావోయిస్టు మృతి చెందినట్టు మల్కన్‌గిరి జిల్లా ఎస్పీ జగన్మోహన్ మీనా విలేఖర్లకు వెల్లడించారు. ఒడిశా-్ఛత్తీస్‌గఢ్ సరిహద్దు ప్రాంతమైన తులసిడొంగ్రీ అటవీ ప్రాంతంలో మావోయిస్టులు ఉన్నారనే సమాచారం పోలీసులకు అందింది.