న్యూఢిల్లీ, సెప్టెంబర్ 19: తెలంగాణ రాష్ట్రంలోని ఎమ్మెల్యే కోటాలోని ఎమ్మెల్సీ ఎన్నికకు కేంద్ర ఎన్నికల సంఘం షెడ్యూల్ విడుదల చేసింది. తెలంగాణ రోడ్లు, భవనాల మంత్రి తుమ్మల నాగేశ్వరావు ఎమ్మెల్యేగా ఎన్నిక కావడంతో ఎమ్మెల్సీ స్థానానికి రాజీనామా చేశారు. దీంతో ఖాళీ అయిన స్థానానికి ఎన్నిక నిర్వహించనున్నారు.

ఇంఫాల్: మణిపూర్ రాష్ట్రంలో తృణమూల్ కాంగ్రెస్‌కు భారీ షాక్ తగిలింది. తృణమూల్ కాంగ్రెస్‌ పార్టీ రాష్ట్ర అధ్యక్షుడితోపాటు మరో ముగ్గురు శాసన సభ్యులు సోమవారం అధికార కాంగ్రెస్ పార్టీలో చేరారు. 2012 ఎన్నికల్లో ఆరుగురు తృణమూల్ కాంగ్రెస్ అభ్యర్థులు గెలిచారు. తృణమూల్ కాంగ్రెస్‌కు చెందిన నలుగురు ఎమ్మెల్యేలు చేరడంతో కాంగ్రెస్‌ పార్టీకి సంఖ్యా బలం మరింత పెరిగింది.

చెన్నై: జైల్లో ఆత్మహత్య చేసుకున్నట్లు అనుమానిస్తున్న నిందితుడు రామ్‌కుమార్ మృత దేహానికి - తదుపరి ఆదేశాలు ఇచ్చేంత వరకు పోస్ట్‌మార్టం ప్రక్రియను నిలిపివేయాలని పోలీసులు, ఆసుపత్రి వైద్యులను చెన్నై హైకోర్టు ఆదేశించింది. రామ్‌కుమార్ మృతిపై తండ్రి పరమశివం అనుమానం వ్యక్తం చేయడంతో దీనిపై పిటిషన్ దాఖలు చేయాలని హైకోర్టు సూచించింది.

దిల్లీ: మాజీ ఎంపీ, ఆర్జేడీ నేత మహమ్మద్‌ షాబుద్దీన్‌ బెయిల్‌పై స్టే విధించేందుకు సుప్రీంకోర్టు సోమవారం నిరాకరించింది. బెయిల్‌పై స్టే కోరుతూ దాఖలయిన రెండు పిటిషన్ల పై విచారించిన సుప్రీంకోర్టు షాబుద్దీన్‌ వాదనలను కూడా వినాలని అభిప్రాయపడింది. అతడికి నోటీసులు జారీ చేస్తూ, విచారణను సెప్టెంబర్‌ 26కు వాయిదా వేసింది.