చైనా సైన్యం శత్రుభీకరంగా రూపుదిద్దుకుంటోందని, సరికొత్త ఆయుధ వ్యవస్థలను భారీగా అభివృద్ధి చేసుకుంటోందని ఆ దేశ రక్షణ బడ్జెట్ తేటతెల్లం చేస్తోంది. వచ్చే ఆర్థిక సంవత్సరానికి చైనా తన రక్షణ బడ్జెట్‌ను 8.1 శాతం మేర పెంచింది. దీంతో రాబోయే ఆర్థిక సంవత్సరానికి అది భారీగా 175 బిలియన్ డాలర్ల (రూ. 11 లక్షల కోట్లు)కు చేరింది. భారత రక్షణ వ్యయం కన్నా ఇది మూడున్నర రెట్లు అధికం.

జోర్డాన్ రాజు రెండవ అబ్దుల్లా మనదేశంలో జరిపిన పర్యటనకు మత సమన్వయం ఇతివృత్తం. అన్యమత విధ్వంసం లక్ష్యంగా ఇస్లాం మతానికి చెందిన ‘జిహాదీలు’ ప్రపంచ వ్యాప్తంగా జరుపుతున్న బీభత్సకాండ అబ్దుల్లా పర్యటన సందర్భంగా ఢిల్లీలో జరిగిన సమన్వయ సదస్సునకు నేపథ్యం! జిహాదీల ‘సిద్ధాంతం’తో కాని, లక్ష్యాలతో కాని, కార్య పద్ధతులతో కాని, వారు సాగిస్తున్న బీభత్సకాండతో కాని కోట్లాది ఇస్లాం మతస్థులకు సంబంధం లేదు.

కంచి కామకోటి పీఠం వరిష్ఠ ధర్మాచార్యుడు జగద్గురు శంకరాచార్య జయేంద్ర సరస్వతి స్వామి పార్థివ జీవనయాత్ర పరిసమాప్తం కావడం సనాతన సాంస్కృతిక ప్రస్థాన క్రమంలో ప్రస్ఫుటించిన మరో చారిత్రక ఘటన! సనాతనమైన- శాశ్వతమైన- ఈ ధర్మాచార్యుని ఆత్మ పంచభూతాల కలయికతో ఏర్పడిన శరీరాన్ని పరిత్యజించడం అనివార్యమైన పరిణామ క్రమం! ఈ క్రమం సృష్టిగతమైన పునరావృత్తి!

సంస్కరణల పేరుతో తన పదవిని శాశ్వతం చేసుకొనడానికి చైనా అధ్యక్షుడు ఝీ జింగ్‌పింగ్ యత్నిస్తుండడం చైనాలో కొనసాగుతున్న విపరిణామ క్రమం! చైనా రాజ్యాంగాన్ని కమ్యూనిస్టు పార్టీ నియంత్రించడం, నిర్వహించడం ‘ఏకపక్ష’ వ్యవస్థలో నిహితమై ఉన్న ‘గతి తర్కం’! అందువల్ల దేశాధ్యక్షుడు ఎన్నిసార్లైనా ఆ పదవికి ఎన్నిక కావచ్చునన్నది ఇప్పుడు ‘కమ్యూనిస్టు పార్టీ’ వారు చైనా రాజ్యాంగానికి చేసిన సవరణ!