పారిస్, జూలై 16: ఏమైతేనేం. 20ఏళ్ల కలను సాకారం చేసిన జాతీయ జట్టు మహదానంతో మాస్కోను వీడింది. ఒక్కో ఆటగాడు ఒక్కో ఈఫిల్ టవర్‌లా స్వదేశానికి బయలుదేరారు. దిగ్గజాలను దిక్కులదిరేలా రిసీవ్ చేసుకోడానికి లక్షలాది ఫ్రాన్స్‌వాసులు సిద్ధమయ్యారు. స్వదేశాన్ని ముస్తాబు చేశారు. ఈఫిల్ టవర్ వెలిగిపోతోంది. ఆర్క్ డె ట్రోంఫె ధగధగలాడుతోంది. ఎక్కడ చూసినా జాతీయ జెండాలోని నీలం, తెలుపు, ఎరుపు రంగుల శోభే కనిపిస్తోంది.

లండన్, జూలై 16: లండన్‌లో జరిగిన ప్రతిష్టాత్మక వింబుల్డన్ పురుషుల సింగిల్స్ గ్రాండ్ శ్లామ్ టైటిల్ దక్కించుకున్న 31ఏళ్ల సెర్బియా టెన్నిస్ స్టార్ ఆటగాడు నవోక్ జొకోవిచ్ ఇపుడు యూఎస్ ఓపెన్‌పై కనే్నశాడు. వింబుల్డన్ టోర్నీల్లో 2011లో తొలిసారి చాంపియన్‌గా అవతరించిన జొకోవిచ్, ఆ తర్వాత 2014, 2015ల్లో సైతం టైటిల్ సాధించాడు.

న్యూఢిల్లీ, జూలై 16: బ్రెసీయా (బ్రెజిల్)లో జరిగిన 7వ వరల్డ్ జూనియర్ ఉషూ చాంపియన్‌షిప్‌లో భారత్ నాలుగు రజితాలు, ఐదు కాంస్యాలు కలిపి 9 పతకాలు సాధించింది. చాంపియన్‌షిప్ సన్షో విభాగంలో బాబులు (42 కిలోలు, సబ్ జూనియర్), సలీం (56కిలోలు, సబ్ జూనియర్), సవిత (48 కిలలోలు, జూనియర్), హిమాంషు (56 కిలోలు, జూనియర్), శృతి (60కిలోలు), జాన్వి (52 కిలోలు, జూనియర్) రజిత పతకాలు సాధించారు.

పారిస్, జూలై 16: ఫిఫా ప్రపంచకప్ సాధించుకొస్తున్న జాతీయ జట్టు ఆటగాళ్లకు ఫ్రాన్స్ అత్యున్నత పురస్కారం ‘లీజియన్ ఆఫ్ ఆనర్’ను ప్రభుత్వం ప్రకటించింది. ఈమేరకు ఫ్రాన్స్ అధ్యక్షుడు ఎమ్మాన్యుయేల్ మాక్రోన్ కార్యాలయం ఒక ప్రకటన విడుదల చేసింది. ‘అనిర్వచనీయ సేవలందించిన వారికిచ్చే దేశ అత్యున్నత పురస్కారం లీజియన్ ఆఫ్ ఆనర్‌ను ఆటగాళ్లకు ప్రదానం చేయనున్నాం’ అని పేర్కొంది.