పాట్నా, నవంబర్ 25:రద్దయిన 500నోటును చికిత్స కోసం ఆసుపత్రి వర్గాలు స్వీకరించక పోవడం వల్ల గయలో ఓ గర్భిణి మరణించిన సంఘటన దేశ వ్యాప్తంగా కలకలం రేపుతోంది. ఈ మేరకు మీడియాలో వచ్చిన కథనాలను స్వీకరించిన బీహార్ మానవ హక్కుల సంఘం జిల్లా మెజిస్ట్రేట్, సంబంధిత ఆసుప్రతి వర్గాలపై నిప్పులు చెరిగింది. పక్షం రోజుల్లో తమకు నివేదిక అందించాలని ఆదేశించింది.

న్యూఢిల్లీ, నవంబర్ 25: ‘రాజ్యాంగం అంటే బాబాసాహెబ్. బాబాసాహెబ్ అంటే రాజ్యాంగం’ అని ప్రధానమంత్రి నరేంద్ర మోదీ అన్నారు. రాజ్యాంగ లక్ష్యాల స్ఫూర్తిని అందిపుచ్చుకోవాల్సిన అవసరాన్ని ఆయన నొక్కిచెప్పారు.

న్యూఢిల్లీ, నవంబర్ 25: ప్రతిపక్ష పార్టీలు నల్లధనాన్ని ప్రోత్సహిస్తున్నాయని ప్రధాన మంత్రి నరేంద్ర మోదీ చేసిన వ్యాఖ్యలు శుక్రవారం పార్లమెంటును కుదిపేశాయి. మోదీ తమకు క్షమాపణ చెప్పాలంటూ ప్రతిపక్ష పార్టీలు గొడవకు దిగడంతో సభాకార్యక్రమాలు స్తంభించాయి. దీంతో సోమవారానికి వాయిదా పడ్డాయి.

విశాఖపట్నం, నవంబర్ 25: దేశంలో రానున్న రోజుల్లో నీటి కొరత రాబోతోందని, అందువల్ల వర్షపు నీటిని తప్పనిసరిగా నిల్వ చేసుకోవాలని కేంద్ర మంత్రి వెంకయ్యనానాయుడు అన్నారు. సన ఫౌండేషన్ ఆధ్వర్యంలో విశాఖ పాత నగరం క్వీన్‌మేరీ ప్రభుత్వ బాలికల ఉన్నత పాఠశాలలో ప్రభుత్వ, ప్రైవేటు భాగస్వామంతో ఏర్పాటు చేసిన సుజలధార, హరిత జీవన మరుగుదొడ్లను శుక్రవారం ఉదయం ఆయన ప్రారంభించారు.