నెల్లూరు, ఏప్రిల్ 22: రాత్రికి రాత్రే కోటీశ్వరులు కావాలనే దురాలోచనతో కొందరు పక్కా పథకంతో బ్యాంకులకు రూ.2.20కోట్ల మేర టోపీ పెట్టారు. తమ ప్రయత్నం విజయవంతం అయి రెండు జాతీయ బ్యాంకులు తమ బుట్టలో పడడంతో మరో రూ.200 కోట్లకు నొక్కేయడానికి అన్ని ఏర్పాట్లు పూర్తి చేసుకున్నారు. ఈలోగా వారి బండారం కాస్త పోలీసుల చెవిన చేరడంతో కటకటాలు వెనక్కివెళ్లారు.

హైదరాబాద్: ప్రస్తుత వేసవిలో ప్రయాణీకులకు ఉపశమనం కలిగేలా బస్సుల్లో ఉచితంగా మంచినీళ్లు అందించాలని ఎపిఎస్ ఆర్‌టిసి యోచిస్తోంది. ఇందుకు సంబంధించి అధికారులు తుది సన్నాహాలు చేస్తున్నారు. సూపర్ లగ్జరీ, డీలక్స్, గరుడ, ఎసి, అమరావతి బస్సులో ప్రతి ప్రయాణీకుడికి లీటర్ నీళ్ల బాటిల్ ఉచితంగా ఇస్తారు. పల్లెవెలుగు, ఆర్డినరీ బస్సుల్లో మాత్రం నీళ్ల కేన్లను పెడతారు.

విశాఖ: ప్రభుత్వ శాఖల్లో 20 వేల ఉద్యోగాలను త్వరలోనే భర్తీ చేస్తామని ఎపి ఆర్థికమంత్రి యనమల రామకృష్ణుడు శుక్రవారం ఇక్కడ విలేఖరులకు తెలిపారు. ప్రజాప్రతినిధులు లేని మున్సిపాలిటీల్లో ఎన్నికలు జరిపేందుకు, పట్టణాల్లో నీటి సమస్యను తీర్చేందుకు చర్యలు తీసుకుంటున్నామన్నారు. కాగా, వైకాపాలో చీలిక వచ్చే అవకాశం ఉందని, ఈ కారణంగానే పలువురు ఎమ్మెల్యేలు ఆ పార్టీని వీడి టిడిపిలో చేరుతున్నారని చెప్పారు.

విజయనగరం: సాలూరులో హౌసింగ్ శాఖలో ఎఇగా పనిచేస్తున్న రెడ్డి వేణు ఇళ్లపై శుక్రవారం ఉదయం ఎసిబి అధికారులు ఏకకాలంలో దాడులు చేశారు. బొబ్బిలిలోని ఆయన ఇంట్లోను, బంధువుల ఇళ్లలోనూ సోదాలు చేసి, భారీగా అక్రమాస్తులున్నట్లు కనుగొన్నారని తెలిసింది.