వాషింగ్టన్, జూన్ 22: అమెరికాలో అక్రమంగా ప్రవేశించి అరెస్టయిన వారిని రెండు నిర్బంధ కేంద్రాల్లో ఉంచారని, వీరిలో దాదాపు వంద మందికిపైగా భారతీయులు ఉన్నట్లు అమెరికాలోని ఇండియన్ మిషన్ ప్రకటించింది. వీరిలో చాలామంది పంజాబ్ రాష్ట్రానికి చెందిన వారున్నారు.

ఐక్యరాజ్యసమితి, జూన్ 21: నైతిక విలువలు మృగ్యమై, వాణిజ్య దృక్పథంతో జీవిస్తున్న మానవాళి మానసిక వత్తిళ్ల నుంచి దూరమయ్యేందుకు యోగా మంచి పరిష్కారమని ఐక్యరాజ్య సమితి డిప్యూటీ సెక్రటరీ జనరల్ అమీనా మహమ్మద్ అన్నారు. అంతర్జాతీయ యోగ దినోత్సవం సందర్భంగా ఏర్పాటు చేసిన కార్యక్రమంలో ఆమె మాట్లాడుతూ, ప్రాచీన భారతం ప్రపంచానికి అందించిన గొప్ప సాధనం యోగా అని ప్రశంసించారు.

జమ్మూ, జూన్ 20: జమ్మూకాశ్మీర్‌లో ఉగ్రవాదులు చేతుల్లో ప్రాణాలు కోల్పోయిన అమర జవాన్ ఔరంగజేబు కుటుంబాన్ని కేంద్ర రక్షణ మంత్రి నిర్మలాసీతారామన్ బుధవారం పరామర్శించారు. ఈద్‌కు రెండు రోజుల ముందు జవాన్‌ను ఉగ్రవాదులు కిడ్నాప్ చేసి, హత్య చేశారు. ఆర్మీ ఉన్నతాధికారులతో కలిసి రక్షణ మంత్రి బాధిత కుటుంబాన్ని కలిసి ఓదార్చారు.

వాషింగ్టన్, జూన్ 20: ఐక్యరాజ్య సమితి ఆధ్వర్యంలోని మానవ హక్కుల సమితి నుంచి అమెరికా వైదొలగింది. ఏకపక్ష విధానాలను అనుసరిస్తూ, అనైతిక రాజకీయాలకు పాల్పడుతున్నారని ధ్వజమెత్తింది. సమితిలో అమెరికా రాయబారి నిక్కీ హాలే ఒక ప్రకటనలో మానవ హక్కుల సమితి విధానాలను ఎండగట్టారు. ఊహాజనితమైన అంశాలపై ప్రసంగాలను వినదలచుకోలేదని వ్యాఖ్యానించారు.