బీజింగ్‌: చైనాలోని గువాంగ్జీ జువాంగ్‌లో నానింగ్‌ ప్రాంతానికి వెళ్తున్న బస్సు ఆదివారం అర్ధరాత్రి బారికేడ్లను ఢీకొని బోల్తాపడింది. ఈ ప్రమాదంలో డ్రైవర్‌ సహా 10 మంది మృతిచెందారు. మరో 32 మంది గాయపడ్డారు. వీరిలో ఐదుగురి పరిస్థితి విషమంగా ఉంది. డ్రైవర్‌ అకస్మాత్తుగా అనారోగ్యానికి గురవడంతో ప్రమాదం జరిగిందని ప్రాథమిక విచారణలో తేలింది.

టొరంటో, ఆగస్టు 27: ఇద్దరు ప్రాణ మిత్రులు.. నాలుగు దశాబ్దాల క్రితం కేవలం మూడు రోజుల వ్యవధిలో జన్మించారు. కానీ పుట్టిన వెంటనే వారి తల్లులు మారిపోయారు. ఈ విషయం 41 సంవత్సరాల తర్వాత వెలుగులోకి రావడంతో వారు కన్నీటి పర్యంతమయ్యారు. ఇది కథ కాదు. ఈ వాస్తవిక ఘటన కెనడాలో జరిగింది. వివరాల్లోకి వెళ్తే..

మాస్కో, ఆగస్టు 27: రష్యా రాజధాని మాస్కో నగరం ఉత్తర ప్రాంతంలో శనివారం ఉదయం ఒక గోదాంలో ఎగిసిపడిన మంటల్లో 16మంది మృతి చెందారు. మంటలను ఆర్పివేసిన తరువాత అక్కడ గోదాంలో విడిగా ఒక గది కనపడిందని అత్యవసర మంత్రిత్వ శాఖ ప్రెస్ సర్వీస్ ప్రాంతీయ శాఖను ఉటంకిస్తూ ‘టాస్’ న్యూస్ ఏజెన్సీ తెలిపింది. అగ్నిమాపక సిబ్బంది ఆ గది గోడను పగులగొట్టి చూడగా లోపల 16మంది మృతి చెంది ఉన్నారు.

లా పాజ్, ఆగస్టు 26: రాయితీలు కల్పించాలని, ప్రైవేటు కంపెనీల్లో పని చేయడానికి అనుమతించాలని డిమాండ్ చేస్తూ బొలీవియాలో గత వారం రోజులుగా గని కార్మికులు చేస్తున్న ఆందోళన హింసాత్మకంగా మారింది. తమ డిమాండ్లను ప్రభుత్వం పట్టించుకోవడంతో ఆగ్రహంతో ఊగిపోయిన ఆందోళనకారులు చర్చలు జరపడం కోసం వచ్చిన హోం శాఖ సహాయ మంత్రి రొడోల్ఫో ఇల్లోన్స్‌ను కిడ్నాప్ చేసి తీవ్రంగా కొట్టి చంపారు.